Ka marrë fund saga e Jack Grealish që tanimë zyrtarisht është lojtar i Manchester Cityt.

Mesfushori ofensivë është bashkuar me kampionët e Anglisë pas një sërë negociatash.

City ka pranuar të paguaj te Aston Villa plot 117 milionë euro për transferimin e Grealish.

25-vjeçari ka nënshkruar një kontratë afatgjate me kampionët anglez për gjashtë vitet e ardhshme deri më 2027.

Transferimi i Grealish te City është një rekord në Ligën Premier, pasi ai bëhet anglezi më i shtrenjtë në histori.

“Unë jam jashtëzakonisht i lumtur që jam bashkuar me Manchester Cityn”, tha Grealish.

“City është skuadra më e mirë në vend me një trajner që konsiderohet si më i miri në botë. Për mua është një ëndërr e bërë realitet që të jem te ky klub”, tha Grealish. /Telegrafi/