Gjilani ka njoftuar se ka ndarë rrugët me futbollistët Darko Nikaç dhe Ivan Fustar.

Të dy lojtarët janë të lënduar dhe nuk do të mund të paraqiten më këtë sezon, ndërsa klubi ua ka njoftuar më herët vendimin që të gjejnë klub të ri.

“Sport Club “Gjilani”, me anë të kësaj komunikate, njofton se ka mbyllur bashkëpunimin me futbollistët Darko Nikaç dhe Ivan Fustar.”

“Mbyllja e bashkëpunimit 3 javë para mbylljes së kampionatit vie pasi që dyshja futbollistëve kishin pësuar dëmtime dhe pas ekzaminimeve mjekësore, rezultoi se ata kishin mbyllur kampionatin dhe kësisoj klubi mbylli bashkëpunimin me ta”.

“Ivan Fustar ishte bashkuar me klubin verën e kaluar ku ishte pjesë e skuadrës për një edicion, kurse Darko Nikaç, klubit tonë i ju bashkua në “merkaton” e dimrit të vitit 2020 dhe ishte pjesë e suksesit të vitit të kaluar, ku skuadra mori pjesë në kualifikimet e Europa Ligës, me ç’rast kishte realizuar golin debutues në garat evropiane për skuadrën tonë, në fitoren 3 me 1 përball Tree Pennes në San Marino”.

“Klubi i falënderon futbollistët për kontributin e tyre sa ishin pjesë e skuadrës sonë dhe ju uron suksese në vazhdimin e karrierës së tyre në futboll”, thuhet në njoftim. /Telegrafi/