Evertoni ka konfirmuar zyrtarisht se ka ndarë rrugët me Rafael Benitezin.

Pas disa rezultateve të dobëta në ligë, trajneri spanjoll është shkarkuar nga klubi i Ligës Premier.

“Klubi i Futbollit, Everton mund të konfirmojë largimin e Rafael Benitez si trajner i ekipit të parë”.

“Benitez, i cili iu bashkua Evertonit në qershor 2021, është larguar nga klubi me efekt të menjëhershëm”.

“Një përditësim për një zëvendësim të përhershëm do të bëhet në kohën e duhur”, thuhet në njoftimin e Evertonit. /Telegrafi/