LAJMI I FUNDIT:

Zëvendësministri i Punëve të Jashtme, Ahmeti tregon arsyet e moslejimit të vizitës së Petkoviqit

Zëvendësministri i Punëve të Jashtme, Ahmeti tregon arsyet e moslejimit të vizitës së Petkoviqit

Zëvendësministri i Punëve të Jashtme, Kreshnik Ahmeti, ka thënë se kërkesa e Petkoviq për të hyrë në Kosovë nuk ka qenë në përputhje me marrëveshjen që është mes dy vendeve. Sipas tij, nuk ekziston një besim në agjendat që dërgohen nga ai, pasi në të kaluarën Petkoviq i ka keqpërdorur duke dalë jashtë agjendës.

Zëvendësministri i Ministrisë së Punëve të Jashtme dhe Diasporës të Republikës së Kosovës, Kreshnik Ahmeti, ka thënë se kërkesa e drejtorit të Zyrës për Kosovën në Qeverinë e Serbisë, Petar Petkoviq, për t’u lejuar që ta vizitojë Kosovën, nuk është lejuar për shkak të mospërputhjes së marrëveshjeve mes dy vendeve.

I ftuar në RTV Dukagjini, zëvendësministri Ahmeti ka treguar arsyet e moslejimit të vizitës së Petkoviqit.

“Së pari kërkesa nuk ka qenë në përputhje me marrëveshjen që është mes dy vendeve dhe Republika e Kosovës si shtet i pavarur ka të drejtë të ndalojë një hyrje të tillë. Zyrtari serb në Kosovë ka tentuar të hyjë pa leje, sipas marrëveshjes, agjenda duhet të jetë e koordinuar”, thotë ai.

Ndër të tjera, ai ka theksuar gjuhën e tij dhe atë të zyrtarëve serbë si të papërshtatshme.

Ahmeti ka thënë se tashmë, nuk ekziston një besim në agjendat që dërgohen nga zyrtari në fjalë sepse sipas tij, “ne kemi pranuar në të kaluarën, por ai i ka keqpërdorur duke dalë jashtë agjendës”.

Për liberalizimin e vizave për Republikën e Kosovës, zëvendësministri ka thënë se Qeveria është duke punuar intensivisht në këtë drejtim.

“Kriteret janë plotësuar tash e sa vite. Është një padrejtësi e madhe që u bëhet qytetarëve tanë nga BE, ne si qeveri po punojmë që këto dilema në raport me plotësimin e kritereve të hiqen”, ka thënë Ahmeti.

Lidhur me aplikimin në KiE, Ahmeti ka thënë se ministrja e Punëve të Jashtme dhe Diasporës, Donika Gërvalla, ka dorëzuar aplikimin në Këshillin e Evropës më 12 maj, ditë në të cilën kanë filluar edhe procedurat e mëtejshme.

Se sa do të marrin kohë finalizimet e procedurave të këtij aplikimi, ai ka thënë se mosekzistimi i një afati kohor për aplikime të tilla është një karakteristikë e KiE-së.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori