Zelensky thotë se kandidatura në BE ‘do ta afrojë fitoren e Ukrainës’ – falënderon Ursula von der Leyen, por nuk komenton veshjen e saj

Presidenti Volodymyr Zelensky ka përshëndetur vendimin “historik” të Komisionit të BE-së për të rekomanduar dhënien e statusit të kandidatit për Ukrainën.

Ai tha në Twitter: “Është hapi i parë në rrugën e anëtarësimit në BE që sigurisht do ta afrojë fitoren tonë”.

I commend the positive @EU_Commission Conclusion on 🇺🇦’s candidate status. It’s the 1st step on the EU membership path that’ll certainly bring our Victory closer. Grateful to @vonderleyen & each EC member for a historic decision. I expect the positive result from #EUCO next week.

— Володимир Зеленський (@ZelenskyyUa) June 17, 2022

Lideri ukrainas shprehu mirënjohje për shefen e Komisionit Ursula von der Leyen (por nuk komentoi rreth veshjes së saj).

Lexo po ashtu Komisioni Evropian mbështet Ukrainën për statusin e kandidatit në BE

Sipas Sky News, veshja e saj – një xhaketë e verdhë mbi një këmishë blu – mund të ketë qenë një e dhënë për nivelin e saj të mbështetjes për kandidaturën e Ukrainës.

Presidenti Zelensky shtoi se ai priste që udhëheqësit e qeverisë së BE-së ta miratonin propozimin javën e ardhshme.

Ndryshe, Komisioni Evropian ka mbështetur Ukrainën dhe Moldavinë që të bëhen kandidatë për anëtarësim në BE.

Por liderët e vendeve të BE-së do të thonë fjalën e fundit në një samit në Bruksel më 23-24 qershor.

Shefja e Komisionit Evropian, Ursula von der Leyen, tha në rastin e Ukrainës se “ne të gjithë e dimë se ukrainasit janë gati të vdesin për perspektivën evropiane, ne duam që ata të jetojnë me ne, në BE”. /Telegrafi/