Fenomeni i muzikës pop, Olivia Rodrigo dhe dyshja Silk Sonic dominuan në edicionin e 64-të të ndarjes së çmimeve, “Grammy Awards” – një mega koncert tre orë e gjysmë që kryesisht u shmang nga politika apo pandemia, me përjashtim të një mesazhi virtual nga presidenti ukrainas Volodymyr Zelenskiy dhe një dedikimi emocional për viktimat e pushtimit rus.
Një javë pas një prej mbrëmjeve “Oscars” më kaotike në vitet e fundit – gjatë të cilit Will Smith goditi Chris Rockun në skenë – “Grammy Awards” dukej se kënaqeshin me aftësitë e tij teknike dhe mungesën e polemikave, shkruan The Guardian.
“Ne do të dëgjojmë pak muzikë, do të kërcejmë, do të këndojmë, do të mbajmë emrat e njerëzve larg nga goja jonë”, tha prezantuesi Trevor Noah në monologun e tij hyrës, në MGM Grand Garden Arena në Las Vegas.
Në të vërtetë, pas vitesh polemikash rreth mungesës së diversitetit të Akademisë së Regjistrimit të muzikës, njohjes së hip-hop-it ose përfshirjes së artisteve femra, “Grammy Awards 2022” mbërtheu kryesisht muzikën, me vetëm nëntë çmime televizive.
Në gjysmë të ceremonisë, nikoqiri i mbrëmjes prezantoi përmes një video-mesazhi presidentin ukrainas, Zelenskiy: “Edhe në kohët më të errëta, muzika ka fuqinë të ngrejë shpirtrat dhe të të japë shpresë për një të nesërme më të ndritshme. Nuk ka njeri që mund të përdorë pak shpresë tani më shumë se populli i Ukrainës”.
Në një video e xhiruar paraprakisht, një Zelenskiy dukshëm i ngjirur u shpreh duke thënë: “Luftë. Çfarë është më e kundërta me muzikën?”, tha ai. “Heshtja e qyteteve të rrënuara dhe njerëzve të vrarë. Fëmijët tanë vizatojnë raketa fluturuese, jo yje që marrin çmime”.
“Lufta nuk na lë të zgjedhim se kush do të mbijetojë dhe kush do të qëndrojë në heshtje të përjetshme”, vazhdoi ai. “Muzikantët tanë veshin veshje të blinduara në vend të smokingëve. Ata u këndojnë të plagosurve në spitale, madje edhe atyre që nuk i dëgjojnë. Por muzika do të depërtojë gjithsesi”.
Zelenskiy lavdëroi bashkatdhetarët e tij duke thënë: “Ne mbrojmë lirinë tonë. Të jetojmë. Të dashurojmë. Të tingëllojmë. Në tokën tonë, ne po luftojmë Rusinë që sjell heshtjen e tmerrshme me bombat e saj. Heshtja e vdekur. Mbushni heshtjen me muzikën tuaj! Mbushni atë sot për të treguar historinë tonë”.
Ai iu kërkoi shikuesve të “Grammy Awards” që të mbështesin publikisht Ukrainën: “Unë kam një ëndërr që ata të jetojnë”, tha ai për popullin ukrainas. “Dhe të lirë. Të lirë si ju në skenën e Grammyt”.
Mesazhi shërbeu si një hyrje e performancës së artistit John Legend, i cili interpretoi në skenën e “Grammy”-t këngën “Free”, së bashku me muzikantët ukrainas Mika Newton dhe Siuzanna Iglidan dhe poeten ukrainase Lyuba Yakimchuk. /Telegrafi/
Lufta Prigozhin - Putin
Më shumëGjesti human i përfaqësuesit të Kroacisë në Eurovision - 50 mijë eurot e qeverisë i dhuron për dy spitale
Pajtohen Kaderi dhe Lumbardhi - publikohet një moment i tyre së bashku
Meritoni këmbëngul ta zbulojë të vërtetën, Heidi: Kam probleme ligjore me Massimilianon
"Mendoj që ua kemi borxh", Afrona dhe Blero me dy episode për ndarjen e tyre - zbulohet se kur do të publikohen
Roza Lati me fjalë të mëdha për Ledion Liçon pas daljes nga Big Brother: Një shoumen i vërtetë
Ylli i Juventusit në lidhje me motrën e lojtarit të Interit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë