Gruaja nga komuniteti rom e cila para disa ditësh u linçua nën akuza të rrejshme dhe u sulmua në Lipjan nga disa qytetarë, është parë të premten në qytetin e Ferizajt.

Ajo u sulmua nga disa nxënës, të cilët e rrëzuan atë përtokë, ndërsa pamjet e këtij sulmi janë shpërndarë gjithandej në rrjetet sociale.

Pas reagimeve të shumta nga krerët politikë, duket se të heshtur për rastin nuk po qëndrojnë as artistët.

Reagon sërish policia: Gruaja rome nuk përbën rrezik për askënd, do të ketë masa për personat që e sulmuan Reagon sërish policia: Gruaja rome nuk përbën rrezik për askënd, do të ketë masa për personat që e sulmuan

Këngëtari Yll Limani publikoi një imazh të sulmit në InstaStory, në mbishkrimin e së cilës tregoi revoltën e tij lidhur me mediat që e shpërndanë fillimisht si të rrejshëm lajmin.

“Dedikuar pesudogazetarëve dhe portaleve që raportuan rrejshëm për personin që po sulmohet e dhunohet fizikisht ditëve të fundit, pa faj: Marre ju qoftë. Kafshë”, kanë qenë fjalët e këngëtarit.

Foto: Yll Limani/InstaStory

Ndërkohë sipas policisë, personi në fjalë, nuk paraqet rrezik për askënd, nuk ka nevojë të ngrihet ndonjë shqetësim në opinion, dhe se deri me tani nuk ka pasur asnjë viktimë të raportimit të ndonjë rasti të tillë ndaj saj. /Telegrafi/