Xiaomi po e zgjeron gamën e laptopëve dhe kompania e njohur kineze e ka prezantuar modelin e ri – RedmiBook Air 13 në tregun kinez, fillimisht.

RedmiBook Air 13 është një ultrabook i cili peshon vetëm 1.05 kg dhe vjen me një ekran prej 13.3 inç.

Ekrani i laptopit ka rezolucion 2560 x 1600p, me raport aspektesh 16:10, ofron mbështetje për spektrin e ngjyrave sRGB 100%, 300 n ndriçim, dhe i njëjti sjell edhe funksionin DC Dimming.

RedmiBook Air 13 mundësohet nga një procesor i gjeneratës së 10-të Intel Core i5-10210Y, i cili mund të arrijë 4.5GHz në Turbo Boost.

Laptopi vjen me opsionet me 8 GB dhe 16 GB RAM, dhe të dy variantet kanë një SSD 512 GB. Ky laptop i hollë gjithashtu ka një modul të përcjelljes së nxehtësisë.

RedmiBook Air 13 do të dalë në shitje me 17 gusht, me një çmim fillestar prej rreth 705 dollarëve për variantin me 8 GB RAM + 512 GB SSD. Modeli me 16 GB RAM dhe 512 GB SSD kushton rreth 750 dollarë.