Xhudistja ruse Natalia Kuziutina, e cila u mposht nga xhudistja jonë Majlinda Kelmendi u ndesh me presidentin Vladimir Putin më parë këtë vit, duke e mposhtur të parin e Rusisë.

30-vjeçarja Kuziutina arriti në finalen e femrave në kategorinë deri në 52 kilogramë, por u mposht nga kampionia olimpike, kosovarja Majlinda Kelmendi.

Medalja e bronztë Olimpike ruse u bë gjithashtu e famshme në fillim të këtij viti kur ajo mposhti presidentin rus, Putinin, në një ngjarje në Sochi.

Megjithatë, forca ndaj presidentit rus nuk i ndihmoi aspak në përballjen me Majlinda Kelmendin.

Kjo pasi, xhudistja nga Kosova e mori medaljen e artë në Lojërat Evropiane “Minsk 2019” që po mbahen në Bjellorusi.

Shijojeni edhe një herë përballjen e plotë dhe triumfin e Majlinda Kelmendit në finale ndaj ruses Kuziutina Shijojeni edhe një herë përballjen e plotë dhe triumfin e Majlinda Kelmendit në finale ndaj ruses Kuziutina

Medalja e Kuziutinas në Lojërat e Dyta Evropiane në Bjellorusi ndihmoi Rusinë të arrinte një numër të përgjithshëm prej 15 medaljeve, mjaftueshëm për t’i vënë ata në krye të tabelës së medaljeve.

Ndryshe, Lojërat Evropiane vazhdojnë deri më 30 qershor. /Telegrafi/