Taulant Xhaka ka mbetur jashtë fushave për më shumë se gjashtë muaj.

Mesfushori shqiptar kishte pësuar lëndim në kuadër të Ligës së Evropës, në ndeshjen Basel – Shakhtar Donetsk në gusht të vitit të kaluar.

Që nga ajo kohë Taulanti nuk ka qenë në fushë, por tani është konstatuar se ai duhet të operohet.

Shërimi nuk shkoi siç u mendua dhe futbollisti nuk ka mundur të stërvitet pa dhimbje, dhe mesfushori e klubi kanë vendosur për ndërhyrje kirurgjike.

Mediat zvicerane kanë raportuar se lojtari do të futet në operim në fillim të muajit shkurt.

Kjo do të bëjë që Xhaka të mbetet edhe për disa muaj të tjerë jashtë fushave të blerta.

Reklama

29-vjeçari është një legjendë e Baselit dhe muaj më parë kishte vazhduar kontratën deri në verën e vitit 2024.

Reklama

Ai është pjesë e ekipit të parë të Baselit që nga viti 2010, ku u largua vetëm një vit e gjysmë si i huazuar te Grasshopper. /Telegrafi/