Lëvizja Anti Bixhoz nuk tërhiqet nga kërkesa për organizimin e referendumit që objektet e lojërave të fatit të largohen nga territori komunës së Tetovës. Edhe pse kishte një debat publik në këshillin e komunës së Tetovës para katër muajve, megjithatë deri më tash nuk është ndërmarrë ndonjë hap konkret në këtë drejtim.
Nga Lëvizja Anti Bixhoz, thonë se pas takimit me kreun e komunës së Tetovës, pritet që javën tjetër të zyrtarizojnë organizimin e referendumit. Sipas tyre, fillimisht do të duhet që në këshillin e komunës së Tetovës të pranohet kërkesa e tyre dhe më pastaj të fillojnë organizmin e të njëjtit. Presin mbështetje edhe nga partitë politike dhe qytetarët e Tetovës. “Është e vërtetë se ka vonesë pas dorëzimit të konkluzioneve tona në komunën e Tetovës se çka më tutje me iniciativën e referendumit. Ne krahas vonesës së komunës së Tetovës, ishim të gatshëm që të fillojmë edhe me komunat tjera. Është vendosur që në seancën e radhës të kalojë iniciativa për referendum në këshillin e komunës. Pastaj të shkojë në Komisionin Shtetëror Zgjedhor dhe pas kësaj, afati për organizimin e referendumit është 40 ditë. Referendumin e organizojmë ne si lëvizje, ndërsa sa i përket ligji që është në procedurë parlamentare, ai vlen për tërë territorin e shtetit, ne prandaj kërkojmë që urgjentisht të jetë si pikë e rendit të ditës në seancën e këshillit të komunës”, tha Jushi Emërllahu, nga Lëvizja Anti Bixhoz.
Në Tetovë disa herë janë organizuar edhe protesta që të largohen lojërat e fatit megjithatë të njëjtat kanë rezultuar të pasuksesshme ngase shteti nuk ka marrë për bazë kërkesat e protestuesve që objektet e lojërave të fatit të jenë 3 kilometra larg vendbanimeve. Në ndërkohë nga komuna e Tetovës thonë se do të kenë edhe një koordinim me këshilltarët e partive politike dhe më pas do të fillojnë procedurat për organizimin e referendumit.
“Ne kërkesën e tyre e kemi shqyrtuar në aspektin juridiko-ligjor dhe tani jemi diskutuar për hapat e mëtutjeshme. Iniciativa është e Lëvizjes Anti Bixhoz, por normalisht se do të duhet të jenë të kyçur edhe institucionet shtetërore dhe lokale për mbarëvajtjen e procesit të referendumit. Ne javën e ardhshme do të takohemi edhe me përfaqësues të partive politike, bashkë me përfaqësuesit e lëvizjes Antibixhoz dhe do të koordinohemi për hapat e mëtutjeshëm”, tha Besar Durmishi, kryetar i këshillit të komunës së Tetovës. Pas Komunës së Tetovës referendum pritet që të organizohet edhe në komunat tjera. Kështu thonë nga Lëvizja Anti Bixhoz.
Ndërkaq, profesorët universitarë të cilët ishin pjesë e debatit në këshillin e Komunës së Tetovës për organizimin e referendumit për lojërat e fatit, thonë se pavarësisht rezultatit nga referendum megjithatë kjo nuk është obligative që shteti të zbatojë vendimin e referendumit. (koha.mk)
Promo
Reklamo këtuLufta Prigozhin - Putin
Më shumëZyrtare: Kosova nuk është në agjendën e mbledhjes së Komitetit të Ministrave të Këshillit të Evropës
BE afër finalizimit të raportit për çështjen e masave ndaj Kosovës
Zbulohet receta e dhënë nga mjeku neuropsikiatër për nënën që u vetëvra me 3 fëmijët në lumin Buna
Paguhen, por nuk punojnë: Dy toksikologët "joekzistentë" të QKUK-së
Vajza ther me thikë babain e saj në Shtime
S’do të dëgjohet dëshmitari i planifikuar për të premten në rastin Thaçi dhe të tjerët, pranohen dëshmitë e tij e dhënë më parë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'