Një ditë më parë për vizitë në vendin tonë ishte presidenti i Sllovenisë, Borut Pahor, i cili ndër të tjera komentoi edhe deklaratën e presidentit të Serbisë, Aleksandar Vuçiq i cili tha se Sllovenia sikurse edhe shtetet e tjera që e njohin Kosovën, ka shkelur integritetin territorial të Serbisë.
Presidenti slloven gjatë vizitës së tij në Kosovë u prit me ceremoni shtetërore nga presidentja Vjosa Osmani, ndërkaq është takuar edhe me kryeministrin Albin Kurti.
Në një konferencë të përbashkët për media me presidenten Vjosa Osmani, ka komentuar deklaratën e presidentit të Serbisë, Aleksandar Vuçiq i cili tha se Sllovenia sikurse edhe shtetet e tjera që e njohin Kosovën, ka shkelur integritetin territorial të Serbisë.
Pahor tha se kjo ishte një deklaratë tendencioze dhe e papranueshme.
“Unë të dy shteteve ju them se Sllovenia dhe Serbia sa i përket çështjes së Kosovës kanë qëndrime të ndryshme. Sllovenia e ka njohur Kosovën si shtet, ndërkaq Serbia nuk e njeh. Deklarata e presidentit Vuçiq ishte e papranueshme dhe tendencioze”, u shpreh Pahor.
Presidenti slloven ka përmendur edhe çështjen e liberalizimit të vizave për Kosovën duke thënë se BE-ja duhet të mbajë premtimin.
“Siç thashë gjatë bisedës edhe me Vuçiqin, për atë që shtetet që kanë statusin e vendeve kandidate t’iu mundësohen sa më shpejtë negociatat. Bosnjës t’i ofrohet statusi i kandidates. Në lidhje me heqjen e vizave, që të plotësohen premtimet. Mendoj që tema është edhe kriza energjetike që na pret. Mendoj që qëllimi është që të mos harrohen shtetet e Ballkanit Perëndimor. Të them se në vitet e fundit si problem kryesor është përmendur ngecja në negociata. Por unë jam i gëzuar për një rezultat të pjesshëm të dialogut në Bruksel. Këtu në Prishtinë, dhe kudo të vijë në takime, do t’iu them tani, gjendja e besueshmërisë po dëmtohet, besueshmëria po bie”, tha Pahor.
Presidenti Pahor ka folur edhe rreth marrëveshjes për Asociacionin e komunave me shumicë serbe, duke thënë se marrëveshje duhet të zbatohet.
“Edhe në Beograd kam thënë, edhe herën e kaluar këtu, unë e shoh si rrugëtim për përforcimin e besimit që të implementohen marrëveshjet e arritura, marrëveshja mes Prishtinës dhe Beogradit ishte po ashtu për krijimin e Asociacionit të komunave me shumicë serbe. Unë i kam thënë edhe Osmanit që të gjendet një zgjidhje që të arrihet kjo marrëveshje, unë nuk e di nëse ka alternativa, por derisa nuk ka propozime nga palët, vlen marrëveshja e arritur më parë”, ka thënë ai.
E presidentja e vendit, Vjosa Osmani pas takimit me homologun slloven theksoi se njohja reciproke Kosovë-Serbi është rruga e vetme që siguron paqe.
Ajo tha se Kosova mbetet e përkushtuar në dialogun që zhvillohet në Bruksel, i cili në qendër duhet të ketë njohjen reciproke mes dy vendeve.
Presidenti përmendi edhe nevojën për liberalizimin e vizave për Kosovën, derisa presidentit të Sllovenisë i kërkoi që t’i japë shtytjen e fundit këtij procesi.
“Sot dua të ju falënderoj për angazhimin tuaj për t’i bashkuar vendet e rajonit, në këtë kohë vendimtare për kontinentin tonë dhe përtej. Derisa po përballemi me shumë sfida, nevoja e bashkëpunimit rajonal bëhet gjithnjë e më e rëndësishme. Presim të bashkëpunojmë ngushtë me Slloveninë dhe vendet tjera demokratike për të gjetur zgjidhje që ndihmojnë në lehtësimin e barrës për qytetarët tanë”, deklaroi presidentja Osmani.
“Mbesim besimplotë se Sllovenia do të vazhdojë të jetë zëri ynë edhe në forumet ku ende nuk jemi të pranishëm. Gjersa po i afrohemi liberalizimit të vizave, dua të ju falënderoj për angazhimin tuaj në këtë proces dhe të ju kërkoj edhe njëherë të jepni një shtytje të fundit në këtë proces në mënyrë që qytetarët tanë të kenë mundësi të vizitojë vendin tuaj të bukur edhe gjithë Evropën”.
“Kosova mbetet e përkushtuar në dialogun që zhvillohet në Bruksel, e i cili në qendër duhet të ketë njohjen reciproke. Kjo është rruga e vetme drejt paqes dhe stabilitetit afatgjatë. Dua të ju falënderoj edhe njëherë për miqësinë tuaj dhe partneritetin e sinqertë. Ka qenë kënaqësi të bashkëpunojmë me ju!”.
Në fund, ajo tha se Sllovenia mbetet shembull i shkëlqyeshëm i një shteti të suksesshëm në kuadër të strukturave euroatlantike.
Gjatë vizitës së tij në Kosovë, Pahor është pritur edhe nga kryeministri Albin Kurti.
Kreu i ekzekutivit të Kosovës tha se me Slloveninë ndajmë të njëjtat vlera dhe pikëpamje për paqen dhe sigurinë.
Sipas njoftimit nga kabineti i Kryeministrit, në këtë takim Kurti theksoi se Sllovenia është partner i çmuar.
Ndonëse kjo është vizita e tij e fundit në cilësinë e Presidentit të Sllovenisë, ai tha shpreson të vizitojë sërish Kosovën si mik i vendit tonë.
U bisedua për perspektivën evropiane të rajonit, rëndësinë e Procesit të Berlinit, si dhe rreth ecurisë së bisedimeve në Bruksel dhe hapave të ardhshëm drejt normalizimit të marrëdhënieve mes Republikës së Kosovës dhe Serbisë.
U theksua përkushtimi i Kosovës për anëtarësim në Bashkim Evropian dhe NATO.
Kurti potencoi gatishmërinë dhe përkushtimin e Kosovës për të kontribuar në operacionet dhe projektet e NATO-s.
Ai veçoi anëtarësimin në Programin e Partneritetit për Paqe të NATO-s, si një hap shumë të rëndësishëm, për çfarë presidenti Pahor konfirmoi mbështetjen e Sllovenisë, thuhet në njoftim. /Telegrafi/
Promo
Reklamo këtuLufta Prigozhin - Putin
Më shumëBujar Osmani shpall fitore: Dallimi është mbi 40 mijë vota ndaj Taravarit
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Del rezultati përfundimtar në Bogovinë, këto janë rezultatet
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Del rezultati përfundimtar në Tearcë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert