Viti që shkoi më i miri për Morenën

Ajo preferon të njihet një modele dhe këngëtare. Është kjo Morena Taraku, një ndër femrat më tërheqëse dhe më të përfolura gjatë vitit 2016.

Morena, e cila njihet si një ndër femrat që bënë jetë luksoze në botën e showbizzit  në një intervistë për KosovaPress tha se viti që shkoi është viti më i mirë i jetës për të. Dhe kjo për arsye të ndryshme.

“Të punës, private, familjare, gjithçka, unë çdo vit që e kaloj domethënë  e sajoj si një vit shumë të rëndësishëm edhe si njërin ndër vitet më të bukura për shkak se asnjë ditë që e kalojmë nuk është e njëjtë me tjetrën dhe çdo ditë ka vlerën e vet dhe çdo vit ka vlerën e vet”, tha Taraku.

Ndërsa, sa i përket bashkëpunimeve të mëtutjeshme Morena tha se do të ketë shumë projekte të reja gjatë vitit të ardhshëm, e kjo do të jetë si rrjedhojë e bashkëpunimit të fundit me këngëtaren Aida Doçi, i cili është cilësuar si mjaft i suksesshëm dhe i pëlqyer nga publiku.

Morena për të gjithë adhuruesit e saj jep edhe një porosi.

“Plot projekte të reja. Jetoni, duajeni familjen dhe dashuroni sa më shumë”, tha Taraku.   

Veç tjerash, Morena Taraku ka mbajtur titullin “Miss Kosova 2010”, “Miss Liberty of the World 2012”, “Miss Earth 2010”, ka përfaqësuar Shqipërinë në “Miss Ëorld 2012”, si dhe shumë aventura të tjera të cilat Morena ka dëshmuar që është ithtarë e tyre.

Viti 2014 e solli atë edhe në botën e muzikës përmes bashkëpunimit me këngëtarin Blero. /KosovaPress/