LAJMI I FUNDIT:

Vetëvendosje e fillon fushatën zgjedhore në Mitrovicë

Vetëvendosje e fillon fushatën zgjedhore në Mitrovicë

Lëvizja Vetëvendosje ka hapur sot zyrtarisht fushatën zgjedhore në qytetin e Mitrovicës.

Kandidati i VV-së për kryeministër të Kosovës, Albin Kurti, duke shprehur bindjen për fitoren e VV-së në zgjedhjet e 6 tetorit, tha se dita e Vetëvendosjes po vjen dhe se është momenti i fundit për ta shpëtuar vendin nga politikanët e pangopur.

“Hajnat në burg. Këtyre që i futën duart në magjen e fukarenjve nuk ju besohet, mashtrimeve të tyre u ka ardhur fundi e erdhi dita jonë, erdhi dita e minatorit, e punëtorit, nxënësit” ka thënë Kurti.

Ai shtoi se është koha të investohet në arsimim, të ngjallet ekonomia,  ndërsa Lëvizja  do ta lëvizë Mitrovicën dhe Trepçën përpara.

Ai premtoi investime në fusha të ndryshme gjatë qeverisjes së tij.

“Investimet kapitale në arsim do të rriten për 160 milionë në katër vitet e ardhshme, 120 milionë investime në shëndetësi, 1000 bursa për studentët, 8 mijë grante në vlerë 80 milionë euro për të rinjtë, çerdhe falas për fëmijë, për sportin dhe kulturën 140 milionë euro gjatë katër vitet e ardhshme”, theksoi mes tjerash Kurti.