Veseli e quan Kurtin mashtrues, thotë se nisi reciprocitetin pasi e kuptoi nga Kushtetuesja se nuk do të jetë Kryeministër

Kryetari i Partisë Demokratike të Kosovës, Kadri Veseli, ka thënë se vendimi i Albin Kurtit për aplikimin e masës së reciprocitetit me Serbinë, vetëm pas vendimit të Gjykatës Kushtetuese për mandatarin e ri, kur ai tashmë e di se nuk do të jetë më vet në qeveri.

Veseli përmes një shkrimi në Facebook ka thënë se veprimi i Kurtit është akt tipik i mentalitetit të tij mashtrues që po e rrënon Kosovën qe disa vite.

Lexo po ashtu Qeveria e Kosovë vendos masa të reja të reciprocitetit tregtar ndaj Serbisë

Sipas tij, ky mentalitet shtet-rrënues do të zgjasë për aq sa zgjat besimi i njerëzve në manipulimet dhe mashtrimet e tilla.

“Por, një njeri si Albin Kurti e një parti si Vetëvendosje, s’mundet ta mashtrojë një popull pafundësisht. Vendimet e orëve të tyre të fundit, s’do të heqin vëmendjen nga skandalet e shumta që kjo kastë mashtruesish krijoi për pak ditë në qeverisje. Sidoqoftë, Kosova ka fat të madh që ka përkrah SHBA-në dhe partnerët perëndimorë”, ka shkruar Veseli.

“Do të vijnë shpejtë ditë shumë më të mira se sa këto të mashtrimit të të pashpresëve që po perëndojnë”, thekson ai.