Operacioni i Ukrainës për të bllokuar linjat e furnizimit në Krimenë e aneksuar dhe për ta bërë atë të paqëndrueshme për rusët okupues po shkon sipas planit, me Kievin një hap më afër një përpjekjeje për të çliruar gadishullin e Detit të Zi, ka thënë një zyrtar të enjten.
Sipas mediave të huaja, përcjell Telegrafi, gadishulli u trondit nga shpërthime të mërkurën dhe të enjten ndërsa sulmet kishin në shënjestër flotën e marinës ruse të Detit të Zi dhe dëmtuan një anije të madhe dhe një nëndetëse në një bazë detare kryesore në Sevastopol; dhe një bateri e mbrojtjes ajrore e forcave ajrore ruse S-400 thuhet se u shkatërrua në Krimenë Perëndimore një ditë më vonë.
Siç thuhet më tej, sulmet në Krime, e cila është qendra logjistike e Rusisë për forcat e saj në Ukrainën jugore, janë bërë rutinë muajt e fundit në mes të kundërofensive të Kievit për të rimarrë territorin e pushtuar nga forcat ruse.
Dhe sulmet ukrainase thuhet se kanë goditur objektiva ushtarake në një tentim për të dobësuar mbrojtjen e Moskës dhe për të penguar Rusinë nga transportimi i pajisjeve, armëve dhe trupave nga Rusia kontinentale në gadishull.
Në këtë drejtim, presidenti ukrainas Volodymyr Zelensky është zotuar të zhbëjë aneksimin e Krimesë nga Putin.
Ndërsa Ukraina nuk mori menjëherë përgjegjësinë për sulmet në zonën Yevpatoria të Krimesë të enjten, Natalia Humeniuk, zëdhënësja e komandës ushtarake jugore, duket se ka lënë të kuptohet për përfshirje nga Kievi, përcjell Telegrafi.
“Përqendrimi i objekteve ushtarake, prania e një aeroporti afër – e gjithë kjo sugjeron se puna po kryhet absolutisht siç është planifikuar. Qëllimet janë legjitime, tërësisht ushtarake”, citohet të ketë thënë Humeniuk në TV kombëtar.
Dhe komandanti i forcave ajrore të Ukrainës, gjenerallejtënant Mykola Oleshchuk, shkroi në kanalin e tij Telegram pas sulmeve të Sevastopolit të së mërkurës: “Ndërsa pushtuesit janë ende duke u rikuperuar nga bombardimet e natës në Sevastopol, unë do të doja të falënderoja pilotët e Forcave Ajrore të Ukrainës për punën e tyre të shkëlqyer luftarake! Do të vazhdojë…”.
Ndërkohë, të hënën, forcat ushtarake ukrainase thanë se kishin rimarrë kontrollin mbi katër platforma strategjike të shpimit të naftës dhe gazit në Detin e Zi pranë Krimesë.
Zhvillimet e kësaj jave janë vetëm një pjesë e një operacioni afatgjatë dhe të sofistikuar nga Ukraina për të hapur rrugën drejt rimarrjes së gadishullit, vlerësojnë ekspertët.
“Sulmet në Krime dhe në platformat e naftës/gazit për të eliminuar radarët, më pas një sulm kompleks me dron/raketë kundër Sevastopolit. Kjo është një qasje shumë e sofistikuar për ta bërë Krimenë të paqëndrueshme për rusët”, ka vlerësuar ish-gjenerali amerikan Ben Hodges përmes një postimi në X, dikur Twitter, te enjten.
Ndryshe, gjenerali në pension i ushtrisë Stephen Twitty, ish-zëvendës komandanti i Komandës Evropiane të SHBA-së, i tha Newsweek në maj se një përpjekje për të rimarrë gadishullin do të përfshinte marrjen e masave nga Ukraina për të parandaluar Rusinë nga rifurnizimi nga Krimea, qoftë logjistikë apo me trupa. /Telegrafi/
Promo
Reklamo këtuLufta Prigozhin - Putin
Më shumëAmerikani u kthye nga varrimi i xhaxhait dhe gjeti të bijën duke luajtur letra – pyeti kush fiton dhe përgjigja e tmerroi
Komandanti i Azov kritikoi Zelenskyn: Ne nuk kemi qasje në armët perëndimore, po e mbrojmë vendin me gjak
Digjet një fabrikë teknologjike në Berlin - ajo prodhon një armë të fuqishme të mbrojtjes ajrore, kishte furnizuar edhe Ukrainën
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Kinezja që i telefononte të dashurit deri në 100 herë në ditë diagnostikohet me një sëmundje të padëgjuar më parë
Trupat ruse hyjnë në bazën ajrore në Nigeri, ku janë të stacionuar ushtarët amerikanë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe