Vendosja e një llambe duke përdorur një dron – pamje që tregojnë procesin e manovrimit

Një pilot droni vendosi një llambë duke përdorur një “fluturake” dhe një kamerë të vogël veprimi.

Marifeti, i krijuar nga prodhuesi i dronëve DJI, pa një llambë të lidhur me një tapë vere e cila ishte ngjitur në trupin e pajisjes, përcjell Telegrafi.

Një kamerë e vogël veprimi u vendos në pjesën e pasme të trupit – pasi dronët nuk janë të pajisur me kamera që tregojnë pjesën e sipërme të pajisjes.

Dhe në pamje, droni manovrohet në dhomën e ndenjes, duke shmangur mobiljet ndërsa i afrohet pajisjes së dritës.

Sidoqoftë, operatori duhej të ishte tepër i kujdesshëm kur i afrohej objektivit të tij pasi tehët e dronit që rrotulloheshin me shpejtësi janë mbi trupin e pajisjes dhe rrezikonin të bënin kontakt me pajisjen e dritës.

Kur llamba gjendet drejtpërdrejt poshtë montimit, operatori i dronit rrit fuqinë gradualisht për të vendosur llambën në pajisje.

Pasi llamba është brenda pajisjes, piloti rrotullon dronin e tij në drejtim të kundërt të akrepave të orës për të realizuar “lidhjen”.

Pas nja dy rrotullimesh, llamba ndizet. /Telegrafi/