Aktorja e mirënjohur shqiptare, Valentina Caci, u nda nga jeta ditën e djeshme.

Si pjesë e trupës profesioniste të aktorëve të teatrit të Korçës, Caci ka pasur shumëllojshmëri shfaqjesh, në drama dhe komedi, duke marrë edhe besimin e regjisorëve për role kryesore.

Caci lindi në qytetin e Korçës më 2 mars të vitit 1936. Në lëvizjen artistike që shpërtheu që në muajt e parë të paraçlirimit, u aktivizua në grupet teatrale amatore. Për publikun e gjerë njihet me filmat: “Vëllezër dhe shokë”, “Mësonjëtorja”, “Me hapin e shokëve”, “Rruga e madhe”, “Kur çel dashuria”, “Shoqja nga fshati”, “Zonja nga qyteti” etj.

Për kontributin e saj në skenën korçare dhe jo vetëm, aktores Valentina Caci i është dhënë titulli, “Artiste e Merituar”. Homazhet për të do të zhvillohen sot në Teatrin e Korçës “Andon Zako Çajupi” nga ora 12:00-13:00.