Vanhoutte: Votoni për të ardhmen tuaj dhe të fëmijëve tuaj

Lehtësuesi evropian, Peter Vanhoutte u është drejtuar qytetarëvetë Maqedonisë me një porosi, ku thotë se ”E ardhmja e juaj është në rrezik!”, njofton Telegrafi Maqedoni.

Në porosinë e tij, Vanhoutte thotë se demokracia në Maqedoni është e sëmurë, ndërkaq porositë se votimi i personave që nuk kanë të kaluar korruptive është hapi i parë për ta rindërtuar demokracinë.

Mirëpo, ai thotë se zgjedhjet nuk janë pika e fundit, por është fillimi i një ndryshimi kaq shum të nevojshëm. Vanhoutte përmend se si në Maqedoni ka parë politikanë dhe parti që kanë mbështetur krime serioze dhe janë të përfshirë në korrupsion, vjedhje të parave të qytetarëve, etj.

Ai përmend se si afarizmi zhvatet dhe detyrohet të mbyllet, pagesat e profesorëve sepse inspektorët duheshka të mbledhin kuotën e tyre, detyrimin e vajzave të reja për seks me profesorët e tyre për të kaluar provimin në universitet, blehen diploma, përfshirë edhe atë të doktoraturës, burgosjen e njerëzve pa bërë ndonjë krim, kontrollin e qytetarët nga partia dhe detyrimin për ta përkrahur.

Vanhoutte porositë që të mos frikësohemi kur të votojmë dhe të mendojmë dy herë, para se të votojmë, të mendojmë për lirinë që e meritojmë, për të ardhmen tonë dhe të fëmijëve tanë. Porosinë e plotë në anglisht e gjeni në këtë vegëz./Telegrafi/