E priti rastin e tij dhe me t’iu dhënë shkëlqeu për ato minuta sa qëndroi në fushë.
Valmir Sylejmani ka debutuar me Hannoverin pas rikthimit te kjo skuadër pas aventurës shumë të suksesshme te Manheim.
Sulmuesi nga Kosova u inkuadrua në lojë për Hannoverin në minutën e 82-të në fitoren e thellë 4-1 ndaj Eintracht Braunschweig.
24-vjeçari për ato pak minuta sa qëndroi në fushë la gjurmë, pasi asistoi për mrekulli tek goli i katërt i skuadrës së tij i shënuar nga Haraguchi.
Disa minuta për Hannoverin në fushë i kaloi edhe Florent Muslija në fund të ndeshjes.
Sylejmani vlerësohet si njëri nga sulmuesit më të mirë në Bundesliga 2 dhe forma e mirë që ka treguar është një tregues i mirë që ai pritet të shkëlqejë me Hannoverin.
Gjilanasi më parë ka qenë pjesë e rregullt e Përfaqësueses së Kosovës, por me ardhjen e trajnerit Bernard Challandes nuk është grumbulluar.
Gjithsesi duke parë cilësitë e tij, pritet që së shpejti sulmuesi i rrezikshëm gjilanas të marrë ftesë nga Përfaqësuesja ku do t’i shtonte kualitetin repartit ofensivë. /Telegrafi/
