Ushqimi dhe fitnesi gjatë Ramazanit, Besnik Humolli sqaron se çfarë duhet të hamë dhe si të stërvitemi pa rrezikuar shëndetin
Gjatë muajit të Ramazanit shumë pyetje na vijnë në mendje, marr parasysh kohën e gjatë nga syfyri në iftar – pa ngrënë e pa pirë.
Por, si mund mund ta përballojë agjërimin trupi i njeriut, cilat janë përfitimet e agjërimit, a mund të stërvitemi edhe pse jemi duke agjëruar?. Për këto dhe shumë pyetje të tjera në një intervistë për Telegrafin ka folur Besnik Humolli, instruktor fitnesi dhe nutricionist.
Humolli tregoi se gjatë kohës së agjërimit trupi detoksifikohet dhe i largon toksinat që grumbullohen në trup.
Ai rekomandon që njeriu duhet shpesh ta praktikojë një “agjërim” të tillë edhe në muajt tjerë të vitit.
“Është mirë shpeshherë që edhe gjatë muajve tjerë me bë një herë në javë ose në dy, apo në muaj, varësisht edhe prej metabolizmit, edhe prej kushteve që të bëjnë një agjërim që gjithë ato toksina që mblidhen në organizëm me i largu. Gjatë kohës kur ne agjërojmë, trupi fillon t’i merr dhe t’i djegë edhe ato rezerva, domethënë edhe ato toksinat të gjitha t’i djegë dhe t’i përdorë, për me mbajt organizmin gjallë”, ka thënë Humolli.
Ai tha se trupi i njeriut mund të qëndrojë me javë të tëra pa ushqim.
“Kështu që nuk bën me alarmu veten. Normal që pak trupi merr ato sinjale, se është mësu me u ushqy shpesh, sidomos javën e parë i ke ato kriza pak ma të mëdha, ma të rënda, që lyp thjesht ushqim. Mirëpo, mësohet trupi brenda asaj kohe që me fillu me marrë nga rezervat, jo nga goja që ushqehemi çdo ditë, por nga rezervat e trupit… Kështu që, patjetër duhet edhe gjatë kohës së iftarit edhe së syfyrit me pas njëfarë ushqimi të balancuar, mos me tepru, se thjesht nuk është diçka e madhe, që ti ke qëndru ndoshta 12 apo 14 orë pa ushqim. Nuk është ndonjë dëm ose diçka shumë e madhe që tash patjetër duhet me rikthy ushqimin dyfish…”, shpjegoi ai.
Nutricionisti tha se në kohën e syfyrit për ata që agjërojnë duhet të konsumojnë më shumë yndyrë të shëndetshme, por pa e tepruar.
“Proteina, yndyra, jo edhe shumë karbohidrate. Mirëpo ma tepër me posedu yndyra, sepse yndyrat janë ato të cilat japin energji edhe tretën pak më gradualisht gjatë gjithë ditës, d.m.th mund të qëndroni pak më lehtë duke e përballuar më lehtë urinë”
Por çka i rekomandon nutricionisti Humolli personat të cilët ushtrojnë fitnes dhe aktivitete tjera sportive, e të cilët agjërojnë.
“Ju rekomandoj që patjetër me u stërvit, mos me lanë sportin, qoftë fitnes, qoftë edhe sportet tjera. Mirëpo, kur është fjala për fitnes, atëherë është mirë që të zvogëlohet pak intensiteti i stërvitjes, ndoshta për 20 apo 30 për qind. Varësisht, nëse je i avancuam mundesh vetëm 10 për qind. E, nëse je fillestar diku 50 për qind me zbut intensitetin, por më thjesht me kuptua të tjerët nëse i keni bë tre sete, për një ushtrim bëj vetëm dy sete, nëse i ke bërë katër, bëj vetëm tri sete…”, tregoi për Telegrafin Humolli. /Telegrafi/
Lufta Prigozhin - Putin
Më shumëTop pesë pozicionet në shtrat që femrat nuk mund t’i imagjinojnë!
A e keni ditur se për çfarë shërben pjesa metalike në letrën e sallamit, kjo video po bën xhiron në internet
Nëse dëshironi lumturi, motivim dhe paqe të mendjes, ndiqni këto këshilla
“Më mirë të vdes nga pasioni sesa nga mërzia” – Thënie të bukura nga Van Gogh
Cili gur i çmuar lidhet me muajin tuaj të lindjes dhe çfarë përfaqëson ai
Zbulohen qytetet me erën më të mirë në Evropë. I pari është ndër më të vjetrit në botë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë