Ukrainasit hedhin bombë mbi tankun rus, ajo bie brenda përmes kapakut ku futet shoferi – shpërthimi i municionit e bën copa

Ky është momenti kur droni ukrainas hedh bombë mbi tankun rus, ku si pasojë mjeti i blinduar i ushtrisë së Vladimir Putinit hidhet në erë – madje bëhet copa.

Pamjet e filmuara nga ajri kanë kapur momentin kur droni hedh bombën mbi tank, dhe ajo bie me precizitet të lartë brenda përmes kapakut të cilën e shfrytëzon ushtari për t’u futur brenda.

E disa sekonda më pas shpërthen municioni që ishte brenda tankut, duke bërë që të hidhet në erë dhe të bëhet copa, transmeton Telegrafi.

Lexo po ashtu Pas publikimit të videos së ekzekutimit të ushtarit të paarmatosur ukrainas nga rusët, reagon Zelensky

Aksioni është realizuar në lindje të Ukrainës, atje ku po raportohet për luftime të ashpra dhe humbje të mëdha nga ana e Rusisë, si në makineri luftarake ashtu dhe në personel ushtarak.

E një vit nga fillimi i pushtimit rus në Ukrainë, Putini as që është afër realizimit të qëllimit të tij – pushtimit të territorit të këtij shteti evropian.

Madje sipas vlerësimeve të ushtrisë ukrainase dhe disa agjencive perëndimore të inteligjencës, Rusia ka humbur mbi 150 mijë ushtarë që nga fillimi i luftës. /Telegrafi/