“Ujku është tek dera” – si mund t’i shuajë shumë profesione Inteligjenca Artificiale
Inteligjenca artificiale (AI) është prezente dhe po ua rrezikon vendin e punës shumë njerëzve.
Aq premtuese janë aftësitë e robotit, sa që Microsoft ka njoftuar se do të bëjë një “investim shumëvjeçar, shumë miliarda dollarësh” në teknologjinë revolucionare, e cila po bëhet ‘më e zgjuar’ çdo ditë e më tepër.
Rritja e inteligjencës së kësaj makinerie mund të lë pa punë shumë punëtorë që paguhen mirë, paralajmërojnë ekspertët, transmeton Telegrafi.
“AI po zëvendëson shumë punonjës. Unë mendoj se askush nuk mund ta ndalojë këtë”, tha Pengcheng Shi, profesor i asociuar në departamentin e informatikës dhe shkencave të informacionit në Institutin e Teknologjisë në Rochester, SHBA.
“Ky nuk është ujk që ulëron”, tha Shi për The Post dhe shtoi, “Ujku është tek dera”.
Nga sektori financiar te kujdesi shëndetësor e deri te mediat, një numër i industrive duhen të ndihen të rrezikuara, mendon Shi.
Gjersa AI vazhdon të ketë përparime marramendëse, ai pohon se njerëzve do t’iu duhet pak kohë që ta mësojnë se si mund ta shfrytëzojnë këtë teknologji.
Tashmë, AI po përmirësohet në disa fusha, veçanërisht pas funksionalizimit të ChatGPT – robot inteligjent për bisedë – i cili u lëshua në qarkullim në muajin nëntor dhe është falas për publikun.
Akademia amerikane e shkencës u trondit nga lajmi se ChatGPT kishte arritur rezultate më të larta në një provim se sa shumë studentë në shkollën elitare “Penn Wharton”.
Pasi Darren Hick, një profesor filozofie në Universitetin Furman të Karolinës së Jugut, kapi një student duke mashtruar me mjetin jashtëzakonisht të popullarizuar, deklaroi se kjo teknologji e kishte lënë “pa mend” dhe e kishte futur në mendime të thella se çfarë mund të sjellë e ardhmja.
Hick dhe shumë të tjerë kanë të drejtë të jenë të shqetësuar, vlerëson Chinmay Hegde, një profesor i asociuar i shkencave kompjuterike dhe inxhinierisë elektrike në Universitetin e New Yorkut.
“Disa punë në sektorë të tillë si gazetari, arsim të lartë, dizajn grafik dhe softuerë – këto janë në rrezik nga AI”, paralajmërin Hegde, i cili e cilëson ChatGPT aktual, si “shumë, shumë të mirë, por jo perfekt”.
Për momentin, gjithsesi.
Arsimi
Siç qëndrojnë gjërat tani, ChatGPT – aktualisht i ndaluar në shkollat e New Yorkut – “mund të mësojë lehtësisht”, tha Shi.
Roboti aktualisht është më efektiv në shkollat e fillore dhe të mesme, por jo edhe në universitete, shtoi ai.
“Edhe pse ka gabime dhe pasaktësi në aspektin e njohurive, kjo mund të përmirësohet lehtësisht. Në thelb, ju vetëm duhet të ‘trajnoni’ ChatGPT”, vazhdoi Shi.
Sa i përket arsimit të lartë, si Shi ashtu edhe Hegde, pohojnë se universitetet do të kenë nevojë për mësimdhënës, por profesori i NYU pranoi se, në teori, AI mund të ligjërojë pa pasur nevojë të mbikëqyret.
Ndërkohë, rolet e edukatorëve po transformohen pothuajse brenda natës. Tashmë po bëhet një luftë e ashpër për të përshtatur metodat e mësimdhënies dhe testimit të nxënësve – duke parë se po sfidohen nga inteligjenca e ChatGPT.
Financa
Wall Street mund të shoh shuarjen e shumë vendeve të punës gjatë viteve të ardhshme, pasi robotët si ChatGPT vazhdojnë të përmirësojnë veten, pohoi Shi.
“Unë përfundimisht mendoj se kjo do të ndikojë në fushën e tregtisë, por edhe në një bankë investimi. Bankat punësojnë shumë njerëz për t’i publikuar të dhënat në Excel”, shpjegoi ai.
Megjithatë, eksperti është i sigurt se vendimet përfundimtare në fushën e financave do t’i lihen përgjithmonë njerëzve, edhe nëse nuk do të kenë nevojë për Excel.
Inxhinieri softuerike
Në rrezik janë edhe dizajnerët e faqeve të internetit dhe inxhinierët për kodime të thjeshta, paralajmëron Hegde.
“Unë shqetësohem për njerëz të tillë. Tani mund t’i kërkoj ChatGPT të krijojë një ueb-faqe për mua – dhe çdo person, i cili do të mund ta bënte këtë për mua, nuk është më i nevojshëm”.
Në thelb, AI mund të krijojë kodin – të përshtatur sipas kërkesës dhe parametrave të një përdoruesi – për të ndërtuar ueb-faqe dhe gjëra të tjera të IT-së.
Ditët e gjata të projektimit do të jenë një gjë e së kaluarës deri në vitin 2026 ose më herët, tha Shi.
“Me kalimin e kohës, ndoshta sot ose tre, pesë, 10 vitet e ardhshme, ata inxhinierë softuerësh, nëse detyra e tyre është vetëm të kodojnë… nuk mendoj se do të nevojiten”, tha Shi.
Media
Teknologjia po has në vështirësi në biznesin e mbledhjes së informacioneve – përpjekjet e fundit të CNET (dhe korrigjimet e mëvonshme në tregimet e saja të krijuara nga kompjuteri) u paraprinë nga The Guardian, i cili i kërkoi softuerit GPT të përshkruante ngjarjet kryesore të vitit 2020 – ku rezultatet ishin kundërthënëse dhe jashtë logjikës së njeriut.
Megjithatë, ka një punë për të cilën teknologjia tashmë është shumë e kualifikuar, sipas Hegde.
“Redaktimi i lajmeve është sigurisht diçka në të cilën bën një punë jashtëzakonisht të mirë. Në mbledhjen e informacioneve dhe krijimin e një artikulli, sigurisht që bën një punë vërtetë të mirë”, tha ai, duke vënë në dukje se ChatGPT është i shkëlqyer në krijimin e titujve interesant.
Një mangësi kryesore – shpëtim për reporterët dhe redaktorët e lajmeve, të paktën tani për tani – është paaftësia e mjetit për të kontrolluar faktet në mënyrë efikase, shtoi ai.
“Mund t’i kërkoni atij t’iu shkruajë një ese ose të prodhojë një histori me citate. Rezulton se citimet, thjesht janë të sajuara”, vazhdoi Hegde. “Ky është një dështim i ChatGPT dhe sinqerisht ne nuk dimë si ta rregullojmë atë”, pohoi ai.
Dizajn grafik
Në vitin 2021, zhvilluesi i ChatGPT OpenAI prezantoi një mjet tjetër, DALL-E, i cili mund të gjenerojë imazhe fantastike sipas kërkesave të përdoruesit. DALL-E së bashku me Doppelgangers, Stable Diffusion dhe Midjourney, përbën kërcënim për shumë njerëz në industrinë e dizajnit grafik, thotë Hegde.
“Më parë, ju do të pyesnit një fotograf ose do t’i kërkoni një dizajneri grafik të bëjë një logo për ueb-faqen tuaj. Kjo tani mund të bëhet në mënyrë automatike duke përdorur teknologji të ngjashme me ChatGPT”, vazhdoi ai.
Shi së fundmi urdhëroi DALL-E të krijonte një portret të lepujve për Vitin e Ri. Rezultati ishte “thjesht mahnitës”.
Megjithatë, Shi vuri në dukje se DALL-E nuk u tregua i suksesshëm në teknikën e përzgjedhjes së nuancave – duke ekspozuar një mangësi aktuale në teknologji.
Çështjet e të drejtave të autorit, AI-së po i krijojnë probleme pasi po bazohet në imazhet e bëra prej të tjerëve.
Getty Images njoftoi kohët e fundit veprime ligjore kundër Stability AI – kompania mëmë e Stable Diffusion – duke pretenduar se programi “kopjoi dhe përpunoi në mënyrë të paligjshme miliona imazhe të tyre”. /Telegrafi/
Lufta Prigozhin - Putin
Më shumëNga Rubrika
Forcat Ajrore të Ukrainës përdorin iPad për të lëshuar raketat perëndimore
Për herë të parë, Papa Françesku pjesë e samitit të G7 për të diskutuar mbi Inteligjencën Artificiale
Counter-Strike 2 vjen me një veçori të cilën fansat e kishin kërkuar që nga dita e parë
Këto janë vendet ku TikTok tashmë është i ndaluar – dhe nuk janë pak
Për herë të parë, Papa Françesku pjesë e samitit të G7 për të diskutuar mbi Inteligjencën Artificiale
Counter-Strike 2 vjen me një veçori të cilën fansat e kishin kërkuar që nga dita e parë
Prezantohet printeri 3D më i madh në botë që mund të ndërtojë një shtëpi të vogël në vetëm 80 orë
Ku do të shkojnë përdoruesit e TikTok pas ndalimit të aplikacionit në SHBA?
CEO i TikTok pret të mposht ndalimin në SHBA: "Ne nuk do të shkojmë askund"
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë