LAJMI I FUNDIT:

Kush është shqiptarja prapa OpenAI dhe projektit ChatGPT – sensacioni teknologjik botëror që po rrezikon edhe Google

Kush është shqiptarja prapa OpenAI dhe projektit ChatGPT – sensacioni teknologjik botëror që po rrezikon edhe Google

OpenAI prezantoi ChatGPT, prototipin e parë të chatbot me inteligjencë artificiale (AI) që ka tërhequr interesimin e publikut.

Pjesë e këtij revolucioni në teknologji është edhe inxhinieria shqiptare që jeton dhe vepron në Shtetet e Bashkuara të Amerikës, Mira Murati.

Kjo e fundit më parë ishte zëvendëspresidente e produkteve dhe inxhinierisë për Leap Motion, transmeton Telegrafi.

Ajo iu bashkua OpenAI në vitin 2018 dhe aktualisht është Shefe e Teknologjisë në këtë kompani që po rrezikon edhe vetë motorin më të madh të kërkimit në internet – Google.

Murati tashmë ka dhënë disa intervista për media televizive dhe të shkruara teksa ka zbërthyer ChatGPT, ose modelet e transformatorëve gjenerues të bazuara në bisedë është një lloj inteligjence artificiale që lejon përdoruesit të ndërveprojnë me një asistent virtual duke përdorur gjuhën natyrore.

“Kjo na lejon të arrijmë në pikën ku modeli mund të ndërveprojë me ju dhe të pranojë kur është gabim”, tha Mira Murati, shkruan nytimes.

Ajo më tutje deklaroi se “ChatGPT mund të refuzojë diçka që është e papërshtatshme dhe mund të sfidojë një pyetje ose një premisë që është e pasaktë”.

Në industrinë e softuerit, Murati thuhet se ka 46,114 kolegë në 3,210 kompani të vendosura në 66 vende të botës.

OpenAI është mes shumë kompanive, laboratorëve akademikë dhe studiuesve të pavarur që punojnë për të ndërtuar chat robotë më të avancuar.

Këto sisteme nuk mund të bisedojnë saktësisht si një njeri, por shpesh duket sikurse po. Ata gjithashtu mund të marrin dhe ripaketojnë informacionin me një shpejtësi që njerëzit nuk mundën kurrë. Ata mund të mendohen si asistentë dixhitalë – si Siri ose Alexa – që janë më të mirë në kuptimin e asaj që kërkoni dhe t’jua japin.

Muaj më parë, Murati ishte e ftuar në një ndër emisionet televizive më të shikuara amerikane, “The Daily Show” të Trevor Noah, ku ka folur për sistemin DALL-E 2. Kjo teknologji krijon imazhe përmes një përshkrimi apo teksti të caktuar.

“Është një imazh origjinal që nuk është parë më herët. Ne kemi krijuar imazhe që nga fillimi, dhe ne thjesht morëm një pjesë të madhe të këtij imazhi dhe i kemi ushqyer me këtë sistem AI. Dhe mëson këtë lidhje midis përshkrimit të imazhit dhe vetë imazhit, i mëson këto modele dhe përfundimisht gjeneron imazhe që janë origjinale dhe nuk ishin kopje që mund të jenë parë më herët”, ka thënë ajo.

Gjersa për gazetën tjetër prestigjioze amerikan, washingtonpost, inxhinieria ka thënë se ChatGPT mund t’iu përgjigjet pyetjeve dhe t’iu sfidojë juve.

“Mund t’ju tregojë nëse nuk e kupton një pyetje ose mund të pranojë kur po bën një gabim, ose mund t’iu sfidojë juve nëse e gjen se përgjigja është e pasaktë”, tha ajo për washingtonpost duke shtuar se “në thelb është të mësosh si fëmijë…Ju merrni diçka të gabuar, nuk shpërbleheni për të. Nëse ju merrni diçka të drejtë, ju shpërbleheni për të. Kështu që ju përshtateni për të bërë më shumë gjënë e duhur”.

Theksojmë se shqiptarja ka udhëhequr edhe projektimin, zhvillimin dhe lansimin e produkteve të automjeteve në Tesla Motors duke përfshirë Model X, si dhe programe inovative në hapësirën ajrore.

Ajo ka një kryer studimet në inxhinieri në “Thayer School of Engineering” në Dartmouth të New Hampshire, SHBA.

Ndryshe, një nga veçoritë kryesore të chat GPT është aftësia për të gjeneruar përgjigje në kohë reale, bazuar në të dhënat e përdoruesit. Kjo mundëson një bisedë më të natyrshme dhe të rrjedhshme, pasi GPT e bisedës mund të kuptojë dhe t’i përgjigjet një gamë të gjerë pyetjesh dhe deklaratash.

Një nga përdorimet kryesore të chat GPT është shërbimi dhe mbështetja tek klienti. Kompanitë mund të përdorin chat GPT për t’i dhënë përgjigje të menjëhershme pyetjeve të klientëve, duke reduktuar nevojën për ndërhyrje njerëzore dhe përmirësuar përvojën e përgjithshme të klientit.

Pavarësisht përfitimeve të mundshme të chat GPT, ka gjithashtu shqetësime në lidhje me implikimet e tij. Disa kritikë argumentojnë se përdorimi i chat GPT mund të shkaktojë mbylljen e mijërave vendeve të punës dhe një reduktim të ndërveprimit njerëzor, duke dëmtuar potencialisht lidhjet dhe marrëdhëniet shoqërore.

Në përgjithësi, chat GPT përfaqëson një përparim të rëndësishëm në teknologjinë e bisedës AI. Ndërsa aplikimet dhe implikimet janë ende duke u eksploruar, ai ka potencialin të përmirësojë shumë aspekte të jetës sonë të përditshme.

Shërbimi më i madh i ChatGPT mund të jetë një katastrofë financiare për Google duke ofruar përgjigje superiore për pyetjet që ne i bëjmë aktualisht motorit më të fuqishëm të kërkimit në botë.

Google funksionon duke kërkuar miliarda ueb-faqe, duke indeksuar atë përmbajtje dhe më pas duke e renditur sipas përgjigjeve më të rëndësishme.

Më pas nxjerr një listë lidhjesh për t’u klikuar. ChatGPT ofron diçka më tërheqëse për përdoruesit e shqetësuar të internetit: një përgjigje e vetme e bazuar në kërkimin dhe sintezën e atij informacioni. ChatGPT është trajnuar për të mbledhur informacione nga miliona faqe të internetit.

Chat GPT jep gjithashtu një përgjigje të vetme, të menjëhershme që nuk kërkon skanim të mëtejshëm të faqeve të tjera të internetit. /Telegrafi/

Në trend Teknologji

Më shumë
Kamera më e shpejtë në botë mund të regjistrojë 156.3 trilionë korniza në sekondë

Kamera më e shpejtë në botë mund të regjistrojë 156.3 trilionë korniza në sekondë

Teknologji
Kur funksionet e Galaxy AI do të jenë të disponueshme në telefonat më të vjetër të Samsungut

Kur funksionet e Galaxy AI do të jenë të disponueshme në telefonat më të vjetër të Samsungut

Teknologji
Google prezanton funksionin e ri që ju ndihmon me blerjet online

Google prezanton funksionin e ri që ju ndihmon me blerjet online

Teknologji
Arabia Saudite prezanton robotin humanoid “femër” – është e programuar të mos flet për seks dhe politikë

Arabia Saudite prezanton robotin humanoid “femër” – është e programuar të mos flet për seks dhe politikë

Teknologji
Sora e OpenAI u jepet artistëve dhe kineastëve për herë të parë – ja disa nga videot më të mira që krijuan ata

Sora e OpenAI u jepet artistëve dhe kineastëve për herë të parë – ja disa nga videot më të mira që krijuan ata

Teknologji
Miliarda përdorues të WhatsApp do të fitojnë përditësime me Inteligjencë Artificiale

Miliarda përdorues të WhatsApp do të fitojnë përditësime me Inteligjencë Artificiale

Teknologji
Kalo në kategori