Administrata Doganore Kroate publikoi sot udhëzimet se sa dhe çfarë lloj mallrash mund të transportohen përtej kufirit, sipas të cilave banorët e vendeve të treta, përfshirë Kosovën, nuk lejohen të sjellin mish, qumësht, si dhe produkte mishi e qumështi.
Këto udhëzime vlejnë edhe për Serbinë, Malin e Zi dhe Bosnje e Hercegovinën.
Sipas dekretit, udhëtarëve u lejohet të sjellin bagazhe personale, ku përfshihen gjëra personale të arsyeshme të nevojshme për udhëtim dhe qëndrim jashtë vendbanimit të përhershëm, si këpucë, rroba, sende higjienike, pajisje elektronike mobile, transmeton Jutarnji list.
Gjithashtu thuhet se për mallrat e importuara nga udhëtarët që banojnë jashtë territorit doganor të Bashkimit Evropian, miratohet importi i përkohshëm me përjashtim të plotë nga detyrimet e importit dhe detyrimet e tjera publike.
Shtohet se përjashtimi sasior nga taksat doganore, TVSH-ja dhe akciza i referohet produkteve si ato të duhanit dhe, për shembull, vlen për sasinë deri në 200 cigare ose 250 gramë duhan për pasagjerët në transportin ajror, derisa në transportin rrugor dhe hekurudhor, sasitë e lejuara janë pesë herë më pak.
Kur bëhet fjalë për pijet alkoolike, në këtë mënyrë është e mundur, për shembull, të futen maksimumi katër verëra ose 16 birra.
Theksohet se këto përfitime nuk vlejnë për pasagjerët nën moshën 17-vjeç.
Sipas rregullores së sipërpërmendur, ka edhe kufizime dhe ndalime sasiore për importin e ushqimeve me origjinë shtazore që pasagjerët mund të sjellin në bagazhin e tyre personal pa u kontrolluar nga inspektori veterinar kufitar.
Gjithashtu, ndër të tjera thuhet se asnjë mish, qumësht, apo produkte qumështi dhe mishi nuk mund të importohet nga vendet e treta.
Shtohet se futja e barnave të gatshme për nevojat personale të udhëtarëve është e mundur në sasitë e nevojshme për trajtim deri në një muaj, me kusht që ato të jenë të miratuara nga autoritetet kompetente të vendit të prodhimit.
Përmbajtja e bagazhit personal të pasagjerit përfshin edhe mallra të tjera, të cilat nuk bëjnë pjesë në kategorinë e specifikuar të gjërave personale të nevojshme në mënyrë të arsyeshme për udhëtim, të tilla si, për shembull, ushqimi, higjiena dhe produkte të ngjashme për përdorim personal, artikuj të përdorimit të përgjithshëm, konsumator elektronikë, suvenire, gjëra shtëpiake, artikuj luksi, rroba, këpucë…
Importi i mallrave të tjera në bagazhin personal të pasagjerit, i cili nuk plotëson kushtet e mësipërme, i nënshtrohet llogaritjes dhe mbledhjes së detyrimeve të importit.
Theksohet se lirimi nga pagesa e detyrimeve doganore, TVSH-së dhe akcizës i referohet importit të mallrave vlera e të cilave nuk kalon 3200 kuna (425 euro) për pasagjerët në transportin detar dhe ajror, 2200 kuna (292 euro) për pasagjer për llojet e tjera të transportit, si dhe 1100 kuna (146 euro) për pasagjerët nën moshën 15-vjeç, pavarësisht nga mjetet e transportit me të cilët udhëtojnë.
Personi i cili dëshiron të shfrytëzojë lirimin nga pagesa e detyrimeve doganore sipas rregullores së përmendur, duhet të paraqesë kërkesë në vendin kompetent në Republikën e Kroacisë./KP
Promo
Reklamo këtuLufta Prigozhin - Putin
Më shumëNga Rubrika
Aksident në Tiranë, 35-vjeçari humb kontrollin e makinës dhe bie në lumin Lana
Tre persona, janë nën hetim në Shkup dyshohen për grabitje dhe heqje të paligjshme të lirisë
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
AGK-ja dënon intimidimin publik të deputetit Dimal Basha ndaj gazetares së RTK-së
Profesori i kriminalistikës: Bandat ruse porositën sulm në burgun e Reçit në Shkodër, ja si u planifikua
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City