LAJMI I FUNDIT:

Trump fitues bindës i zgjedhjeve paraprake në Iowa, lë pas DeSantis dhe Haley

Trump fitues bindës i zgjedhjeve paraprake në Iowa, lë pas DeSantis dhe Haley

Donald Trump siguroi një fitore dërrmuese në zgjedhjet presidenciale republikane të vitit 2024 në Iowa të hënën, duke pohuar udhëheqjen e tij të partisë megjithë akuzat e shumta penale ndërsa kërkon një revansh me presidentin aktual Joe Biden.

Projeksionet e para zgjedhore u publikuan nga Edison Research, duke riafirmuar dominimin e partisë së Trump, ndërsa ai kërkon një emërim të tretë radhazi republikan.


Sipas përqindjes nga Edison Research, Trump fitoi 51 përqind, ndërsa DeSantis kishte 21 për qind dhe Haley me 19 për qind, transmeton Telegrafi.

Kjo do të thotë, pra, se sipas parashikimeve të para, ai ka të paktën 20 delegatë nga Iowa, kurse kundërshtarët e tij, ish-ambasadorja e SHBA-së në OKB, Nikki Haley dhe guvernatori i Floridës, Ron DeSantis, kanë shtatë dhe tetë secili.

Sipas Edison Research, disa të tjera do të shpërndahen, tregojnë projeksionet.

“Faleminderit Iowa, ju dua të gjithëve”, shkroi Trump në platformën e tij të mediave sociale Truth Social.

Ai falënderoi edhe kundërshtarët e tij që e njohën fitoren e tij menjëherë pas rezultateve të para.

Më pak se një përqind e amerikanëve jetojnë në Iowa, por këto zgjedhje të brendshme partiake në atë shtet janë të rëndësishme sepse mund të tregojnë disi drejtimin që do të marrin zgjedhjet e ardhshme presidenciale.

Për më tepër, Iowa është e rëndësishme si treguesi i parë zyrtar se sa gjasa ka një kandidat në skenën kombëtare. /Telegrafi/