Tri klube angleze kanë shprehur interesim për lojtarin e lënë pas dore tek Barcelona

Ylli i Barcelonës, Ferran Torres, po përballet me një vendim për të ardhmen e tij tek klubi këtë verë mes interesimit për të jashtë vendit. 

Torres pritet që të jetë një lojtar rotacioni në javët e fundit të sezonit 2024/2025, ashtu siç ka bërë gjatë tërë vitit të parë të Hansi Flick në krye. 

Me Robert Lewandowskin që është zgjedhja e parë e sulmit të Flick, i ndihmuar nga Raphinha dhe Lamine Yamal, minutat e Torres kanë qenë të pakta. 

Pavarësisht situatës së tij, Torres ka arritur të realizojë 13 gola në të gjitha garat gjatë këtij sezoni, duke përfshirë shtatë që nga fillimi i vitit 2025 dhe dy kur u fut nga banka rezervë në rikthimin me rezultat 4-3 ndaj Atletico Madridit. 

Lexo po ashtu Ylli i Barcelonës dëshiron ta zë vendin e Lewandowskit në formacionin startues

Ai vazhdon të mbetet i rëndësishëm në planet e Flick dhe ish-sulmuesi i Man Cityt nuk ka mungesë besimi, pasi këtë e dëshmoi në një intervistë kur tha se është gati ta zëvendësojë Leëandoëskin për një të ardhme afatgjatë. 

Në rast se Torres është i gatshëm të presë, Flick mund ta vendosë besimin e tij të plotë tek ai, por në rast se rritet nervozizmi për mungesën e minutave, atëherë një rikthim në Ligën Premier është më se i mundshëm. 

Torres kishte pasur vështirësi gjatë 18 muajve në ‘Etihad’, me dëshirën e tij për t’u rikthyer në vendlindje që ishte një faktor, por ai tashmë është zhvilluar më shumë si lojtar. 

Sipas një raportimi nga Fichajes, tri klube angleze janë duke e monitoruar atë, me Barcelonën që thuhet se kërkon 40 milionë euro për ta lënë të lirë. 

Liverpool, Manchester United dhe Aston Villa thuhet se janë palët e interesuara, me ekipin e Arne Slot që ofron futboll të Ligës së Kampionëve./Telegrafi/