Kampionati zviceran është i stërmbushur me shqiptarë ku çdo vit shpërthejnë talentët tanë.

Edhe këtë edicion shumë nga futbollistët shqiptarë kanë shkëlqyer në elitën e futbollit zviceran.

Mediumi i famshëm zviceran ‘welovefootball.ch’ ka publikuar lojtarët më të talentuar në 10 skuadrat elitare të Zvicrës.

E në mesin e kësaj liste ndodhen tre futbollistë nga Kosova që aktivizohen me tri skuadra të ndryshme.

Orges Bunjaku

Mesfushori i talentuar i Servette, Kastriot Imeri ndodhet në këtë listë së bashku me Orges Bunjakun e Baselit.

Kastriot Imeri

E pjesë e kësaj liste është edhe mbrojtësi i Përfaqësueses së Kosovës, Arbenit Xhemajli që luan te Xamax.

Arbenit Xhemajli

Që të tre këta futbollistë kanë pasur paraqitje fantastike këtë edicion në Superligën e Zvicrës, derisa vlera e tyre është rritur mjaftë shumë.

Ky medium raporton se këta 10 talent pritet të kenë një karrierë të bujshme. /Telegrafi/