Mason Greenwood është fotografuar për të parën herë pas lirimit me kusht nga burgu, teksa akuzohet për përdhunimin e një vajze dhe kërcënim për vrasje.

Reklama

Talenti 20-vjeçar i Manchester United u fotografua nga paparacët përpara shtëpisë së familjes së tij, me vlerë pesë milionë euro, që ndodhet në Cheshire.

Sulmuesi, i parë për herë të fundit në prill ku mbante veshur një kapele, ndërsa ishte duke lëvizur me makinë, këtë herë është kapur në kamera në momentin që po nxirrte shëtitje qenin e familjes.

Policia e Mançesterit del me vendim të ri për Mason Greenwoodin Policia e Mançesterit del me vendim të ri për Mason Greenwoodin

“Mason ka mbajtur një profil vërtet të ulët që nga arrestimi i tij. Akuzat e bëra kundër tij ishin të vështira për t’u përballuar. Por, prindërit e tij kanë qenë pranë tij në çdo hap të rrugës. Ata të gjithë presin që policia të marrë një vendim dhe nëse policët vendosin se ai nuk ka rast për t’u përgjigjur, atëherë ai mund të përpiqet të vazhdojë karrierën e tij futbollistike”, deklaroi një burim i mediave angleze pas publikimit të fotove.

Reklama
Reklama

Greenwood, i cili jeton në Bowdon të Manchesterit, u pezullua nga United pas arrestimit të tij. Lojtari është hequr edhe nga FIFA 22, madje është lënë në baltë edhe nga sponsori “Nike” pas akuzave.

“Football Manager 2022” gjithashtu ka konfirmuar se ai nuk do të shfaqet pas përditësimit të tyre të fundit dimëror.

Të gjitha fanellat që mbajnë emrin e numrit 11 janë hequr nga faqja zyrtare e United dhe shokët e skuadrës e kanë hequr atë nga rrjeti social Instagram.

Tërhiqet nga shitja fanella e Greenwood – Unitedi ndërpret shitjen e saj pas akuzave të rënda ndaj futbollistit Tërhiqet nga shitja fanella e Greenwood – Unitedi ndërpret shitjen e saj pas akuzave të rënda ndaj futbollistit

Në vitin 2019, ai u bë futbollisti më i ri që luajti për United në Ligën e Kampionëve kur doli në fushë në moshën 17-vjeçare, por karriera premtuese e Greenwood tani është në rrezik pas arrestimit të tij.

Reklama

Anglezi ka bërë gjithsej 129 paraqitje për “Djajtë e Kuq”, ku ka shënuar edhe 35 gola. /Telegrafi/

Reklama