Tifozët e Interit e qojnë në 35 mijë numrin e abonimeve vjetore

Tifozët e vitit të kaluar të Interit kanë rinovuan 8 nga 10 biletat e tyre vjetore, ndërsa vetëm gjatë të enjtes kanë nënshkruar edhe pesë mijë kartela të reja sezonale duke e quar numrin në 35 mijë abonime vjetore për ndeshjet si vendas.

Tridhjetë e pesë mijë abonime deri tani. Padyshim një hap i madh i Interit sa i përket tifozërisë në stadiume.

Mund të jetë efekti Conte, por tifozët e Interit gjithmonë kanë qenë në numër të madh në stadium për ta ndjekur nga afër skuadrën e zemrës.

Lexo po ashtu Tifozët e Interit paralajmërojnë Conten: Nuk jemi Juventusi, fitoret nuk janë e vetmja gjë që ka rëndësi për ne

Interi ka njoftuar se me hapjen e anëtarësimeve për sezonin 2019/20, janë rinovuar plot 30 mijë kartela anëtarësimi, të barabartë me 80 për qind të 37,500 abonimeve të sezonit të kaluar.

Të enjten, biletave sezonale iu shtuan edhe 5,000 tifozë që nënshkruan abonimin e ri duke e quar në 35 mijë numrin e abonimeve vjetore.

Servera të bllokuar, radhë të madha virtuale në faqen e internetit të klubit, radhë të mëdha në Giuseppe Meazza dhe në dyqanin e Nerazzurrëve në qendër të Milanos për të pasur një biletë sezonale.

Edhe në këtë sezon, Interi pritet t’i lëshoj vetëm 37.500 bileta sezonale, ndërsa pjesa tjetër do të blihet individualisht ndeshje pas ndeshje me anë të biletave. /Telegrafi/