Deputetët e Kuvendit të Kosovës me 67 vota pro, asnjë kundër dhe asnjë abstenim kanë miratuar pikën që i hap rrugë formimit të komisionit hetimor parlamentar për menaxhimin e krizës energjetike nga Qeveria e Kosovës.
Kjo pikë u propozua nga Partia Demokratike e Kosovës (PDK), derisa Komisioni do të ketë mandat gjashtëmujor dhe do të përbëhet nga 11 anëtarë.
Shefi i Grupit Parlamentar të PDK-së, Abelard Tahiri tha se ngritja e këtij Komisioni është shumë e rëndësishme dhe se do të ketë punë të mëdha për të bërë.
“Konsiderojmë që kjo periudhë është shoqëruar me disa parregullsi duke fillua nga ngritja e çmimit, që ne e kemi proceduar në Gjykatën Themelore, pastaj edhe çështja e procedurës së blerjes së energjisë, që do ti ngris ky komision hetimor. Është tejet e nevojshme, ne si Grup Parlamentar besojmë që ky komision ka një punë të madhe, dhe të hedh dritë mbi zhvillimet”, tha Tahiri.
Nga PDK-ja, deputeti Ferat Shala u propozua si nënkryetar i Komisionit e deputetja Eliza Hoxha si anëtare.
Kryetarja e Grupit Parlamentar të VV-së, Mimoza Kusari-Lila, tha se i mbetet Komisionit t’i hetojë pretendimet e opozitës, derisa sipas saj, Qeveria do të ofrojë transparencë lidhur me situatën energjetike.
“Qëndrojmë të hapur dhe besoj që Qeveria siç ka qenë deri më tash do të jenë këtu për të dhënë sqarimet e nevojshme”, tha Kusari-Lila.
Shefi i Grupit Parlamentar të LDK-së, Arben Gashi u shpreh se LDK e konsideron të rëndësishëm një proces hetimi parlamentar për shtrenjtimin e energjisë elektrike.
“Këtu do të hetohen të gjitha institucionet puna e tyre duke filluar nga ZRRE-ja, veprimi dhe mosveprimi i tyre me kohë. Pastaj thellimi i krizës deri në atë masë sa Kosova për më pak se një muaj humb qindra miliona euro duke blerë energji elektrike deri në 600 euro për një megavat orë energji eklektike”, tha Gashi.
Në anën tjetër, shefi i deputetëve të AAK-së, Besnik Tahiri u shpreh se themelimi i këtij komisioni është i domosdoshëm. Ai shtoi se për ta është e rëndësishme që të trajtohen pesë çështje.
“E para lidhet me pagesën e rrymës në veri të Kosovës, të dihet saktë shuma. E dyta ka të bëjë me rolin e ZRRE-së në raport me ndikimin politik dhe sinkronizimin që ka pasur me Qeverinë në përcaktim të tarifave të energjisë. E treta ka të bëjë me komunikimin që ka bërë KEDS-i me Qeverinë. E katërta lidhet me gjendjen emergjente, pse është dasht mu shty shpallja e gjendjes emergjente kaq shumë dhe e pesta çështja e raportit në mes të KEK-ut, KEDS-it edhe KOSTT-it”, tha Tahiri.
Nga AAK anëtar i këtij komisioni u propozua Pal Lekaj. /Telegrafi/
Lufta Prigozhin - Putin
Më shumëGoBau – Kositëse bari
Pasuria e guvernatorit të BQK-së, drejtorit ATK-së dhe drejtorit të Doganës
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
KEDS: Elektroseveri ka filluar t’i vendosë njehsorët e rrymës në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre