“Nuk mund ta ndryshojmë të kaluarën: Serbia dhe Kosova kanë qenë në luftë. Por, mund ta ndryshojmë të ardhmen duke ndërtuar paqe mes nesh”, ka thënë presidenti Hashim Thaçi, në një intervistë për median franceze “The Point”.
Gazeta franceze shkruan se “dhjetë vite pas shpalljes së pavarësisë, negociatat në mes Serbisë e Kosovës janë në qorrsokak” dhe se presidenti i Serbisë, Aleksander Vuçiq, është shprehur se Kosova dhe Serbia janë “me kilometra larg çfarëdo marrëveshjeje”.
Por, Presidenti i Kosovës, Hashim Thaçi, sipas medias franceze, dëshiron të ndërtojë paqe të qëndrueshme me armikun e deritashëm.
Në intervistën për gazetën ai thotë se pengesë janë narrativët tragjikë.
“Në Serbi, opinioni publik vazhdon të besojë se Kosova është djepi i Serbisë. Prandaj, na duhet kohë që t’u shpjegojmë qytetarëve të vendeve tona se është në interesin tonë të përbashkët që të ndërtojmë marrëdhënie të qëndrueshme”.
“Interesi i përbashkët është që Kosova të njihet nga Serbia, negociatat për anëtarësim në BE, anëtarësimi në Kombet e Bashkuara. Rajoni i Ballkanit ka nevojë për stabilitet”, ka thënë Thaçi dhe ka shtuar se “Për të arritur këtë na duhet mbështetja e BE-së dhe, natyrisht, e presidentit Macron pasi Franca gjithmonë ka qenë në ballë të përpjekjeve për të mbrojtur paqen”.
Duke folur për Kosovën, presidenti Thaçi ka thënë se “Kosova është demokracia më e re në Evropë, me shumë armiq që mundohen të dobësojnë Kosovën duke e paraqitur si shtet të korruptuar. Por ne jemi demokraci e qëndrueshme, me sundim të ligjit e ligje liberale. Ekonomia është në gjendje të mirë. Bashkimi Evropian është shpresa jonë e vetme: ne dëshirojmë të jemi pjesë e kësaj familjeje. Qytetarët e Kosovës janë mbi 95 për qind në favor të BE-së dhe NATO-s dhe ne po punojmë që të fuqizojmë institucionet e shtetit tonë”.
Ndërsa, për identitetin e Kosovës, presidenti Thaçi ka thënë se “Bashkimi Evropian nuk është klub i kombeve të krishtera. Identiteti jonë fetar është prodhim i historisë. Por, edhe pse popullata është me shumicë myslimane, ne nuk jemi shtet islam. Katedralja në Prishtinë është më e madhja në rajon. Në familje kam myslimanë, por edhe të krishterë. Të mos lejojmë që paragjykimet dhe populizmi të helmojnë realitetin. Për 20 vite ne kemi luftuar xhihadistët. Gjatë luftës kemi qenë shumë të kujdesshëm që të mos lejojmë që luftëtarë të huaj me motive fetare të hyjnë në radhët tona në luftën kundër Serbisë. Nuk kemi pranuar të njolloset lufta ynë legjitime. Sot jemi në ballë të luftës kundër DAESH dhe Al-Qaeda”.
Për gjasat për marrëveshje me Serbinë, ai tha se “status quo-ja e tashme është problematike dhe na pengon që të lëvizim përpara. Duhet të punojmë për të ardhmen. Franca dhe Gjermania kanë arritur këtë”.
“Nuk mund ta ndryshojmë të kaluarën: Serbia dhe Kosova kanë qenë në luftë. Por, mund ta ndryshojmë të ardhmen duke ndërtuar paqe mes nesh”, ka përfunduar presidenti Thaçi.
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti: Anëtarësimi në KiE, hapi i parë drejt bashkimit me familjen evropiane
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë