Ballkani Perëndimor po përballet me një krizë emigracioni. Kjo është veçanërisht e dukshme në Maqedoninë e Veriut, siç tregon regjistrimi i saj më i fundit.
Vendi ka humbur të paktën 10 për qind të popullsisë prej afro dy milionë banorësh, që nga viti 2002.
Rritja e ngadaltë ekonomike dhe mungesa e investimeve kanë penguar vendin, që tani është shtëpia e vetëm 1.8 milion banorëve.
Që kur vendi shpalli pavarësinë nga ish-Jugosllavia në vitin 1991, shumë maqedonas shpresonin se integrimi i shpejtë në Bashkimin Evropian, do të siguronte një të ardhme më të ndritur.
Por rruga e Maqedonisë së Veriut drejt anëtarësimit në BE, është bllokuar në mënyrë të përsëritur për dekada me radhë, fillimisht nga Greqia dhe tani nga Bullgaria, duke sjellë dyshime të forta se vendi nuk do të bashkohet ndonjëherë me BE-në dhe si pasojë, duke nxitur shumë njerëz të largohen nga vendi.
Bosnjë e Hercegovinë dhe Kosovës nuk i është dhënë as statusi si vend kandidat, pavarësisht përpjekjeve të tyre, ndërsa Serbia dhe Mali i Zi gjithashtu nuk kanë perspektiva të mira për anëtarësim me të drejta të plota, pavarësisht se të dyja konsiderohen si vende kandidate për anëtarësim dhe Serbia madje ka hapur edhe kapituj të rinj negociues me bllokun.
Në Shqipërinë fqinje, rreth 1.7 milionë njerëz ose afërsisht 37 për qind e popullsisë, janë larguar nga vendi në tre dekadat e fundit.
Me qindra mijë njerëz u larguan nga Serbia për t’u zhvendosur jashtë vendit, pas sanksioneve kundër regjimit të presidentit Slobodan Millosheviq, të shkaktuara nga luftërat e shpërbërjes së Jugosllavisë në vitet 1990 dhe bombardimet e NATO-s në vitin 1999 për të ndalur konfliktin në Kosovë. Këto masa goditën rëndë ekonominë dhe disa vlerësime sugjerojnë se deri në 10 mijë mjekë janë larguar nga vendi në 20 vitet e fundit.
Në Bosnjë e Hercegovinë, hulumtimet nga OJQ-të lokale, tregojnë se të paktën 400 mijë boshnjakë kanë emigruar gjatë tetë viteve të fundit.
Kriza më e fundit politike e vendit – e konsideruar si më e rënda që nga pavarësia dhe fundi i luftës së viteve 1992-1995 – pritet të nxisë edhe më shumë njerëz të largohen nga vendi në një të ardhme të afërt.
Por për Shqipërinë, Kosovën, Malin e Zi, Maqedoninë e Veriut, Bosnjën e Hercegovinën dhe Serbinë, shembulli i Kroacisë mund të tregojë se bashkimi nuk është një kurë magjike për hallet e tyre.
Që nga bashkimi me bllokun në vitin 2013, popullsia kroate prej pak më shumë se 4 milionë banorësh, është tkurrur me gati 10 për qind në një dekadë, sipas zbulimeve paraprake të censusit.
OKB parashikon se Kroacia do të ketë vetëm 2.5 milionë banorë deri në fund të shekullit. Demografët paralajmërojnë se popullata tashmë e vogël e vendit, mund të vuajë humbje të mëtejshme.
Në dhjetor, autoritetet u përpoqën të ndalnin “largimin e trurit”, duke u premtuar emigrantëve kroatë në BE një shumë deri në 26 mijë euro për t’u rikthyer dhe për të nisur një biznes në vend. /Monitor/
Lufta Prigozhin - Putin
Më shumëBëhu banor i kompleksit luksoz bregdetar “Holiday In 2” - Shëngjin
Çka është rregulla 30:30:30:10 kur bëhet fjalë për financat dhe si duhet ta shfrytëzoni?
Veç edhe 3 ditë dhe shpallet fituesi i BMW-së Seria 3 nga GO+
GiFi hap dyqanin e ri në një lokacion fantastik
E len kerrin e vogël, e merr kerrin e madh “00” dhe i’a mësyn rrugëve të gjata - Auto Mita
Kuvendi zgjedh anëtarët e Bordit të Komisionit të Pavarur për Miniera dhe Minerale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend