Ditën e hënë, më 5 dhjetor, u nda nga jeta në moshën 41-vjeçare, drejtori menaxhues i Telegrafit dhe artisti i madh, Arlind Gjikolli i njohur edhe si Gjikla.

Largimi nga kjo botë i njeriut të vlerave, është humbje e madhe jo vetëm për familjarët dhe për miqtë.

Humbja e tij ka prekur edhe njerëz nga bota e artit dhe televizionit të cilët përmes reagimeve në rrjete sociale kanë ngushëlluar për vdekjen e tij.

Të famshëm shqiptarë si: Elita Rudi, Capital T, Ledri Vula, Lumi B, Lyrical Son, The Bloody Alboz, Blero, Besnik Qaka, Genc Prelvukaj, Gold AG, Rona Nishliu, Mozzik, Skerdi, Milot Hasangjekaj, Ramadan Krasniqi-Dani, Norik Uka dhe Labinot Gashi janë vetëm disa prej emrave që kanë kujtuar Arlind Gjikollin dhe krijimtarinë që la pas.

Gjikla, siç e quanin të gjithë të afërmit dhe miqtë, ishte themeluesi dhe shtylla krijuese e grupit WNC nga Peja, që zhanrin e muzikës rep në Kosovë e çoi në një stad më të zhvilluar, qoftë me tekste të angazhuara, me muzikë apo me interpretim. “Çka kom pasë”, “Qikat e mira”, “Për ty” … janë disa nga këngët e këtij grupi, që edhe sot dëgjohen dhe frymëzojnë gjeneratat e reja.

Pas grupit WNC, Gjikla ka vazhduar edhe solo-karrierën, me tekste që kundërshtonin anomalitë e shoqërisë së Kosovës. Mjafton të përmendet këtu kënga “Juda”, që godet amoralitetin në politikë, tjetërsimin e individit dhe humbjen e perspektivës dhe të shpresës.

Në dhjetë vjetët e fundit, Gjikla ishte COO (Drejtor Menaxhues) i Telegrafit. Si person që jetonte me kohën dhe që donte përparimin, ai dha kontribut të madh në zhvillimin dhe rritjen e këtij portali.

Ceremonia e varrimit do të mbahet sot, e martë në orën 15:00 në varrezat e qytetit të Pejës. Funerali niset nga shtëpia e të ndjerit, rruga “Mbretëresha Teutë”, numër 89. 

317500535 1509211839547851 908564393167034934 n Foto: Elita Rudi/Instagram

316498882 417940790437294 682600921908172785 n Foto: Elita Rudi/Instagram

318155998 511789994228390 7399093714812868738 n Foto: Capital T/Instagram

317953370 560927082525117 7547943245166357963 n Foto: Ledri Vula/Instagram

317792556 1465094567321183 1891189165820137311 n Foto: Lumi B/Instagram

313345841 1257142518485819 2925318748326955283 n Foto: Lyrical Son/ Instagram

318128227 471472325101912 8191233618761857281 n Foto: Blero Muharremi/Instagram

317511008 1353563378728954 5576248787605196980 n Foto: Besnik Qaka/Instagram

318739339 684653659888984 4237629797031277752 n Foto: Mozzik/Instagram

317916428 659207239213356 1853385474928057728 n Foto: Milot Hasangjeka/Instagram

317626624 685267383342525 118957701908711580 n Foto: Skerdi/Instagram

317633009 2412845072196435 3291932145183876432 n Foto: Norik Uka/Instagram

318511707 1322862341882802 6315776748455771827 n Foto: Labinot Gashi/Instagram

/Telegrafi/

YjetMagazina