Filmi i kushtuar Eduard Snowdenit e pati premierën e tij në Hong Kong të premten mbrëma dhe të afërmit e ish-kontraktorit të NSA-së ishin në radhë të parë.

Reklama

“Në këtë film është me rëndësi të madhe zbulimi i mitit mbi fshehjen e Snowdenit në Hong Kong. Tregon se cili ishte grupi që e mbështeti, ishin refugjatë”, ka deklaruar Jonathan Man, avokat i Snowdenit.

Filmi me regji të Oliver Stone ka një mesazh thelbësor: zbulimi i informacioneve sekrete nga Snowden dhe përndjekja e tij prej autoriteteve amerikane dëshmojnë sipas regjisorit të madh një humbje dramatike për demokracinë.

Rasti “Snowden” në këndvështrimin e Oliver Stone (Video) Rasti “Snowden” në këndvështrimin e Oliver Stone (Video)

Për realizimin e filmit janë derdhur fonde deri dhe nga Gjermania e Franca, por Amerika jo. Edhe premiera botërore e tij u bë në kuadër të Festivalit të Filmit në Toronto të Kanadasë dhe jo në SHBA.

Reklama
Reklama

Pati një prezantim të pare në San Diego në kuadër të “Comic-Con”, por në atë rast u përjashtua publiku i gjerë.

Filmin, Stone nuk e realizoi dot në Amerikë. “Të gjitha studiot e mëdha e refuzuan. Hollywoodi është burracak”, rrëfeu ai në një intervistë dhënë ditë më parë gazetës gjermane Sonntagszeitung.

Raporte të ndryshme në mediat ndërkombëtare tregojnë se Snowden, me shumë gjasë, mund të jetë konkurrent për nobelin e sivjetshëm të paqes. /TCH/