Elbasan Rashani nuk di të ndalet në kampionatin norvegjez me gjigantin Rosenborg.

Sulmuesi i Përfaqësueses së Kosovës është duke kaluar nëpër një formë të mrekullueshme.

Ai së fundmi ka shkëlqyer duke asistuar e shënuar, ndërsa të njëjtën gjë e ka bërë edhe në fitoren 3:1 ndaj Tromsos.

Rashani fillimisht u pengua në zonë dhe nxori penalltinë për skuadrën e tij ndërsa sulmuesi Gytkjaer e shëndrroi në gol.

Ndërkohë golin e tij në këtë takim Elbasani e shënoi në minutën e 93-të pas një kundërsulmi të shpejtë.

Në 15 ndeshje këtë kampionat në Norvegji, Rashani ka shënuar tre gola dhe ka dhuruar gjashtë asistime.

Ndërkohë djaloshi nga Vushtrria ka shënuar gol edhe në Kupën e Norvegjisë dhe ka asistuar në dy të tjerë dhe në Ligën e Evropës ka shënuar dy gola dhe ka dhuruar katër asistime tjera.

Kjo formë e lartë e Rashanit e ka gëzuar edhe trajnerin Albert Bunjaku që ka një armë më të fortë për përballjen ndaj Finlandës më 5 shtator. /Telegrafi/