Sulmohet me çekan ndihmësi i Navalnyt

Leonid Volkov, ish-kryetari i Fondacionit Kundër Korrupsionit të Alexei Navalnyt, është sulmuar jashtë shtëpisë së tij në Lituani.

Sekretarja e shtypit e Navalnyt, Kira Yarmysh deklaroi se sulmuesi theu dritaren e veturës së Volkovit dhe i spërkati gaz lotsjellës në sy përpara se ta godiste vazhdimisht me një çekan.

Yarmysh tha se një ambulancë dhe forcat e rendit ishin nisur për në vendngjarje, në Vilnius, shkruan meduza.

Drejtori aktual i Fondacionit Kundër Korrupsionit, Ivan Zhdanov gjithashtu raportoi sulmin, duke shkruar se “Leonid Volkov u sulmua me çekan. Ai është gjallë. Më vonë do të kemi detaje të tjera”.

Sipas gazetarit Sergey Parkhomenko, Volkov jeton në një fshat të vogël të Lituanisë.

“Kjo do të thotë se ky nuk ishte një huligan i rastësishëm në rrugë apo një grabitës. Ky është një person që shkoi atje posaçërisht për të sulmuar Volkovinin”, shkroi Parkhomenko në Telegram.

Ndryshe, Navalny ka ndërruar jetë muajin e kaluar në një qeli ruse në Arktik. /Telegrafi/

Leonid Volkov @leonidvolkov has just been attacked outside his house. Someone broke a car window and sprayed tear gas in his eyes, after which the attacker started hitting Leonid with a hammer. Leonid is now at home, police and ambulance are on their way to him

— Кира Ярмыш (@Kira_Yarmysh) March 12, 2024