Gjykata Themelore në Pejë i ka vazhduar edhe për 30 ditë të tjera masën e paraburgimit, të dyshuarit F.B për sulmin seksual ndaj alpinistes Mrika Nikqi.

Reklama

Këtë për Telegrafin e ka konfirmuar zëdhënësja e kësaj gjykate, Tringa Zhuti.

Ajo bëri të ditur se masa e paraburgimit i është vazhduar deri më 29 nëntor 2022.

“Ju njoftoj se Gjykata duke vepruar sipas kërkesës së Prokurorisë ka vazhduar masën e paraburgimit deri me datë 29.11.2022”, ka thënë Zhuti.

Alpinistja Nikqi e kishte denoncuar vetë sulmin seksual ndaj saj, teksa pamjet i ka shpërndarë edhe në Facebook.

Ajo kishte njoftuar se “me datë 27. 09.2022, në ora 20.50, në qendër të qytetit te Pejës isha viktimë e sulmit seksual, veprim vandal i cili është kryer me paramendim nga personi F.B, anëtar i një familje të njohur në qytetin e Pejës”. /Telegrafi/

Reklama