Sukses i madh për Shqipërinë, “Sekreti” i Ronela Hajatit në mesin e këngëve më të dëgjuara të “Eurovision”

Këngëtarja e njohur, Ronela Hajati u shpall fituese e edicionit të 60-të të Festivalit të Këngës në RTSH.

Ajo do të përfaqësojë Shqipërinë në Eurovision 2022, i cili do të mbahet në Torino të Italisë.

Ndërsa, tashmë kënga përfaqësuese “Sekreti” po dëgjohet e po pëlqehet jo vetëm nga publiku shqiptar, por edhe ai i huaj.

Në një postim që ka bërë së fundmi Ronela, ka treguar se performanca e saj është në mesin e tri videove më të dëgjuara të Eurovisionit

“Për herë të parë Shqipëria është në vendin e tretë për shikueshmërinë më të lartë në faqen zyrtare të Eurovision në YouTube. Urime!” shkruhet në foton e postuar në InstaStory.

Ndërsa në një postim tjetër në Instagram, Ronela ka treguar se ndihet e lumtur që është në mesin e artistëve të mëdhenj.

Lexo po ashtu Të gjitha lajmet nga Ronela Hajati

Ndërkohë, pak ditë më parë Ronela ka udhëtuar drejt Londrës për të realizuar versionin përfundimtarë të këngës.

Eurovision 2022 pritet të mbahet nga 10 deri më 14 maj, ndërsa është konfirmuar se Shqipëria do të perfomojë e para në natë e parë gjysmëfinale. /Telegrafi/

View this post on Instagram

A post shared by RONELA (@ronelahajatiofficial)