Që nga sot, Suedia është në listën e vendeve që konsideron si vatër e përhapjes së COVID-19.

Suedia ka pasur numër të shtuar të personave që janë infektuar me coronavirus dhe kjo ka qenë arsyeja se pse shteti holandez ka vendosur ta fusë në listen e atyre vendeve, ku qytetarët duhet të izolohen për 14 ditë, pas rikthimit nga shteti suedez.

“Shkaku i situatës epidemiologjike në Suedi, nëse akoma vendosni të udhëtoni atje, rekomandohet fuqimisht që të shkoni në izolim prej 14 ditësh menjëherë pas kthimit në Holandë”, thuhet në ueb-faqen e qeverisë së Holandës, transmeton Telegrafi.

Autoritetet shëndetësore në Suedi thonë se njerëzit mund të jenë imun vetëm gjashtë muaj pas shërimit nga coronavirusi Autoritetet shëndetësore në Suedi thonë se njerëzit mund të jenë imun vetëm gjashtë muaj pas shërimit nga coronavirusi

“Aktualisht, shkalla e infeksionit të coronavirusit është rritur në Suedi. Prandaj, vendi nga ngjyra e verdhë është vendosur në listën e portokalltë të vendeve”, tha qeveria e Holandës, duke theksuar se udhëtimin për në Suedi mund ta realizoni vetëm nëse është e nevojshme.

Gjithashtu edhe Kroacia, Bullgaria dhe Rumania konsiderohen vende të rrezikshme për përhapjen e virusit.

Një spital në New York kushtoi 52 milionë dollarë, por trajtoi vetëm 79 pacientë me coronavirus Një spital në New York kushtoi 52 milionë dollarë, por trajtoi vetëm 79 pacientë me coronavirus

Suedia aktualisht ka një nga nivelet më të larta të vdekjeve në botë, sipas të dhënave të përpiluara nga Universiteti Johns Hopkins, ku deri më tani ka 78166 persona të infektuar dhe 5646 të vdekur.

Ndryshe, qeveria holandeze gjithashtu ka paralajmëruar qytetarët e vetë se situata me çdo vend mund të ndryshojë papritur dhe se rekomandohet që pushimet t’i kalojnë në vendin e tyre. /Telegrafi/