Atletico Madridi është pranë zyrtarizimit të Luis Suarezit, të cilin do ta transferojë si lojtar të lirë nga Barcelona.

Uruguaiani ka arritur marrëveshje me Blaugranët për ndërprerjen e kontratës një vit më herët dhe ai pritet t’i bashkohet klubit nga kryeqyteti spanjoll.

Në rast se gjithçka shkon sipas planit, 33-vjeçari do të përfitojë nga nëntë milionë euro në vit në dy sezonet e ardhshme – shkruan Marca.

(Foto: Rafael Marchante/Pool via Getty Images/Guliver)

Derisa Los Rojiblancos po thonë se akoma nuk është finalizuar asgjë, e vërteta është se Suarez është shumë pranë që të kalojë në Wanda Metropolitano.

Kalimi i Suarezit te Atletico i mundëson Moratas rikthimin te Juventusi Kalimi i Suarezit te Atletico i mundëson Moratas rikthimin te Juventusi

Sipas RAC1, ai do ta ndërpresë edhe zyrtarisht kontratën me Barcelonën për t’i dhënë mundësi transferimit te Atletico.

Në ndërkohë, ky transferim është i lidhur edhe me transferimin e Alvaro Moratas te Juventusi. /Telegrafi/