Thomas Strakosha ka qenë hero i Lazios në çerekfinalen e Kupës së Italisë ndaj Interit.

Takimi përfundoi pa gola 0-0 dhe dy skuadrat u desh të zhvillonin 30 minuta shtesë.

Pas përfundimit të kohës shtesë rezultati përsëri ishte i barabartë 1-1 dhe ndeshja shkoi në penallti ku Lazio triumfoi me rezultat 3-4.

Strakosha ishte vendimtar në këtë takim pasi priti dy penallti, atë të Lautaro Martinez dhe të Radja Nainggolan.

Thomas Strakosha duke pritur penalltinë e Radja Nainggolan. (Foto: Marco Rosi/Getty Images/Guliver)

“E parandjeva se Nainggolan do të gjuante në qendër dhe vendosa të qëndroja aty. Natyrisht ishte thjesht çështje intuite, por për fat e prita”, tha Strakosha.

“Lazio është një skuadër që jep gjithçka në fushën e lojës. Besoj që për atë që treguam në fushë e merituam kualifikimin”, u shpreh portieri shqiptar.

Në gjysmëfinalen e Kupës së Italisë, Lazio e shqiptarëve do të përballet me Milanin.

Tutje gardiani shqiptar ka thënë se nuk kanë frikë nga askush dhe synojnë të shkojnë në finale.

Festimi i Thomas Strakoshës së bashku me bashkëlojtarët pasi siguruan kalimin në gjysmëfinale të Kupës së Italisë. (Foto: Emilio Andreoli/Getty Images/Guliver)

“Jemi një ekip që mund të luftojmë në çdo garë. Ne nuk kemi frikë nga asnjë skuadër”.

“Vitin e kaluar mendonim të shkonim deri në fund por u eliminuam nga Milani. Tani sërish luajmë ndaj Milanit dhe shpresojmë që këtë herë t’ia dalim”, përfundoi portieri shqiptar. /Telegrafi/