Atmosferë e jashtëzakonshme në tribuna nga Intelektualët dhe Skifterat, por edhe spektakël në fushë nga futbollistët e të dyja skuadrave kanë karakterizuar derbin më të madh lokal në Kosovë. Në fund Drita fitoi falë një ndeshje të madhe me rezultat 3-1 duke marrë fitoren e 10-të përballë Gjilanit në ndeshjet kampionale.
Drita dhe Gjilani u futën në këtë takim me bilanc të njëjtë sa i përket ndeshjeve kampionale ku dyja skuadrat kishin nga nëntë fitore dhe nëntë ndeshje të tjera kishin përfunduar në barazim.
Ndeshja nisi me një minutë heshtje nga të dyja skuadrat për një tifoz të Gjilanit që kishte ndërruar jetë tri ditë më parë.
Shpend Asani i mysafirëve e dërgoi një top të rrezikshëm në zonën e Dritës por në momentin vendimtar u largua nga Fidan Gërbeshi.
Në minutën e pestë Xhevdet Shabani i vendasve depërtoi bukur në zonë dhe goditi por nga vija fatale topin e largoi Endrien Magani i Gjilanit.
Drita golin e gjeti në minutën e tetë të ndeshjes kur realizoi kapiteni Ardian Limani me një goditje të fuqishme për të sjellë gëzim të madh tek Intelektualët.
Edhe pas golit të shënuar Drita vazhdoi të sulmonte, ku patën dy raste të mira me Haxhi Nezirajn e Kyrian Nwabueze, por që portieri i Gjilanit, Donat Kaçiu intervenoi për mrekulli.
Mesfushori boshnjak i Gjilanit, Samir Handanovic tentoi në minutën e 28-të por pa sukses.
Në minutën e 35-të futbollistët e të dyja skuadrave u përleshën mes vete, por qëu desh të intervenoj gjyqtari Besfort Kasumi për t’i qetësuar gjakrat.
Rasti i fundit në pjesën e parë i takoi Haxhi Nezirajt të vendasve, goditja e të cilit u devijua nga Kushtrim Shabani dhe kësisoj Gjilani shpëtoi pa pranuar golin e dytë.
Me epërsinë minimale të Dritës 1-0 përfunduan 45 minutat e para të kësaj sfide.
Haxhi Neziraj edhe në pjesën e dytë ishte futbollisti më i mirë tek bardh e kaltërtit.
Ish-anëtari i Luzernit pati dy raste të mira shënimi, 53 dhe 60, por që goditjet e tij u ndalën nga Donat Kaçiu i mysafirëve.
Gjilani arriti ta barazonte rezultatin në 1-1, 20 minuta para fundit të ndeshjes kur shënoi i ardhuri nga Llapi, Fiton Hajdari.
Gëzimi i skuadrës mysafire për barazimin e rezultatit nuk qëndroi më shumë se dy minuta.
Haxhi Neziraj depërtoi bukur dhe asistoi për sulmuesin afrikan Kyrian Nwabueze i cili shënoi me lehtësi për 2-1.
Deri në fund të ndeshjes, futbollistët e skuadrës mysafire tentuan barazimin e rezultatit por një gjëje të tillë nuk ia arritën.
E në minutën e fundit të ndeshjes, ishte mesfushori Erjon Vucaj që shënoi për rezultatin përfundimtar 3-1.
Kësisoj Drita ka marrë fitoren e 10-të në ndeshjet kampionale në derbi ndaj Gjilanit.
Këto tri pikë Dritën e ngritin në pozitën e pestë në tabelë me 25 pikë të tubuara, një më pak se rivali lokal Gjilani.
Në ndeshjen ardhshme Drita do ta luaj në udhëtim tek Trepça ’89 në Mitrovicë, ndërsa Gjilani do të jetë nikoqir i Flamurtarit. /Telegrafi/
Promo
Reklamo këtuLufta Prigozhin - Putin
Më shumë“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Zyrtare: Serie A do të ketë pesë skuadra në Ligën e Kampionëve për sezonin 2024/25
Gundogan i pamëshirshëm për shokun e skuadrës, e lë fajtor për eliminimin e Barcelonës
Ka pesë vite pjesë e klubit, çmimi qesharak i shitjes që Reali i ka vendosur yllit të skuadrës
Emiliano Martinez shmang përjashtimin gjatë gjuajtjes së penalltive falë një rregulli pak të njohur – ai ngacmoi tifozët e Lille
Ai është më i rëndësishëm se sa mendojnë tifozët e futbollit - djali i Ancelotti kyç në dhomën e Real Madridit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi