Lansimi i suksesshëm i SpaceX Falcon Heavy ishte një arritje e madhe për kompaninë. Tani pyetja është, çfarë ndodh më pas për Elon Muskun?
Pas viteve të vonesave dhe afateve të humbura, SpaceX më në fund ka qenë gati të dërgojë raketën e saj Falcon Heavy në orbitë.
Javën e kaluar, CEO i SpaceX, Elon Musk dhe pjesa tjetër e ekipit krijuan histori pasi nisën me sukses raketën më të fuqishme në botë në hapësirë.
Teksa bota mbikqyri, makina hapësinore ndezi motorët dhe u nis drejt qiellit.
Rreth dy minuta e gjysmë pas nisjes, dy shtytësit anësorë në raketë u shkëputën dhe u drejtuan përsëri në Tokë.
Ndërkohë, mijëra përcjellës të ngjarjes mund të dëgjoheshin duke brohoritur përmes fluturimit të SpaceX.
Megjithatë, edhe pse lansimi u konsiderua si sukses, raketa “Falcon Heavy” u lansua së bashku me tri raketa të vogla ndihmëse, por njëra prej tyre nuk u ul ku ishte planifikuar dhe kishte përfunduar rreth 100 metra në Oqeanin Atlantik.
Musk kishte pranuar se aterrimi i raketës ka dështuar, pasi njëri nga tre motorët e saj pësuan defekt duke u përplasur në Oqean.
Gjithsesi, siç shkruajnë mediat e huaja, përcjell Telegrafi, e ardhmja e SpaceX Falcon Heavy vazhdon të mbetet e ndritshme – duke marrë parasysh nisjen e saj spektakolare.
Kjo pasi që kompania e hapësirës ka arritur të dërgojë një raketë që mund të bartë dyfishin e ngarkesës së ndonjë rakete tjetër komerciale.
Megjithatë, sipas Musk, nisja e ardhshme e Falcon Heavy nuk do të jetë për një tjetër “tre deri në gjashtë muaj”.
Musk tha se kjo varet nga sa shpejt mund të prodhohet bërthama qendrore – dhe kërkesat e konsumatorëve.
Gjithashtu sipas tij, para nisjes së radhës, SpaceX duhet të rregullojë problemin që shkaktoi rrëzimin e bërthamës qendrore.
Përkundër këtyre, Musk nuk e ka ndërmend të ndalet dhe po shpreson gjithashtu të shkaktojë një garë emocionuese në të gjithë botën për të udhëtuar në hapësirë.
“Ne duam një garë të re të hapësirës. Garat janë emocionuese”, citohet të ketë thënë ai.
Miliarderi është ende i vendosur qartë në qëllimin e tij përfundimtar për dërgimin e njerëzve për të jetuar në Mars.
Dhe kur flasim në këtë drejtim, ambiciet e tij janë shumë më të mëdha.
Ai tha se Falcon Heavy është i madh, por SpaceX ka nevojë për një raketë “shumë më të madhe se ajo”.
Në një konferencë në Australi vitin e kaluar, Musk zbuloi planet për të nisur një makinë të madhe të quajtur Big Falcon Rocket (BFR).
Në kohën e tanishme, bashkë-themeluesi i Tesla tha se ai beson se SpaceX do të jetë gati të kryejë testet e BFR diku në vitin 2019.
Ndërsa një fluturim në orbitë do të ishte “i imagjinueshëm” në tre deri në katër vjet, sipas miliarderit. /Telegrafi/
https://www.youtube.com/watch?v=tS_Rb8dMmyA
Promo
Reklamo këtuLufta Prigozhin - Putin
Më shumëNga Rubrika
Ukraina do të përfitojë nga asetet e ngrira ruse në vendet e BE-së – sa para në vit do të transferohen në Kiev?
Rruga e drejtë më e gjatë në botë dhe pa asnjë kthesë është 240 km: Ajo është e mërzitshme për tu vozitur dhe gjendet në Azi
Vuçiq: Amendamentet malazeze për rezolutën për Srebrenicën luajtën një rol shumë të ndyrë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251