Son Heung-Min tregon se ishte abuzuar në baza racore në Gjermani, flet për ‘hakmarrjen’ në Kupën e Botës

Son Heung-min ka folur për fyerjet raciste që vuajti në Gjermani dhe foli për ‘hakmarrjen’ që bëri gjatë Kupës së Botës në vitin 2018.

Sulmuesi i Tottenham Hotspur la vendin e tij të lindjes, Korenë e Jugut për t’u transferuar në Evropë në vitin 2008, duke iu bashkuar akademisë së të rinjve të Hamburgut në një projekt shkëmbimi ndërkombëtar.

Por, ai i bëri përshtypje klubit gjerman që e nënshkroi me një marrëveshje të përhershme vitin e ardhshëm. Ai kaloi katër vjet në Hamburg përpara se të kalonte në Bayer Leverkusen.

Duke kujtuar qëndrimin e tij në Gjermani, 29-vjeçari zbuloi racizmin që i ishte nënshtruar gjatë kohës që luante në Bundesligë.

“Unë u transferova në Gjermani kur isha i ri dhe kalova shumë momente vërtet të vështira, të paimagjinueshme”, ka thënë fillimisht Son në një ngjarje me tifozë në Seul.

“Unë u përballa me shumë racizëm. Dhe ndërsa po kaloja një kohë kaq të vështirë, kisha shumë mendime në mendjen time se duhet të hakmerrem një ditë”.

Son ishte në gjendje të ‘hakmerrej’ pas fitores së famshme të Koresë së Jugut ndaj Gjermanisë në Kupën e Botës në vitin 2018. Ai shënoi në fitoren 2-0 të kombëtares së tij ndaj Gjermanisë për t’i eliminuar nga ata nga turneu.

“Kur njerëzit qajnë, unë (zakonisht) do të doja t’i ngushëlloja dhe t’i përqafoja”.

“Por, duke parë njerëzit gjermanë duke qarë, (e ndjeva) isha në gjendje të hakmerresha duke bërë diçka që më pëlqente”, përfundoi sulmuesi i Spurs.

Son shijoi dy vjet të mira në Leverkusen përpara se Tottenham ta telefononte, duke e marrë atë për 22 milionë funte në vitin 2015.

Fatkeqësisht, sulmuesi i klasit botëror është përballur me racizëm edhe në Angli.

Por, abuzimi i pështirë duket se nuk kishte asnjë ndikim te Son, i cili shijoi sezonin e kaluar me golat më të mira të karrierës së tij.

Ai shënoi 24 gola në të gjitha garat dhe ndau ‘Këpucën e Artë’ të Ligës Premier me yllin e Liverpoolit, Mohamed Salah. /Telegrafi/