Të gjithë do të pajtohen se aktorja Gwyneth Paltrow duket mahnitëse në të pesëdhjetat dhe tani është mësuar si arrin të mbajë një figurë të hollë trupore edhe në këtë moshë.

Reklama

“Joga më ndihmon të qëndroj e fortë dhe e përqendruar. Fillova ta praktikoj kur isha 25 vjeçare dhe ajo transformoi plotësisht trupin dhe mendjen time”, ka treguar ajo.

Krahas jogës, Gwyneth merret me kërcim, stërvitje kardio dhe ngritje peshash. Ajo stërvitet pesë herë në javë.


“Përndryshe, stërvitem për rreth një orë e gjysmë. Nëse qëllimi im është të dukem perfekte në një eveniment, atëherë dy orë çdo ditë të javës”, është shprehur aktorja.

Reklama

(Foto: Getty Images)

Konsumon sasi të mëdha uji. Në një intervistë për revistën Marie Claire Australia, 50-vjeçarja tha se ha shumë perime dhe shmang ushqimet e skuqura. Për mëngjes, përgatit një smoothie me qumësht bajame, vaj kokosi dhe pluhur proteinash me aromë vanilje.

Reklama

Më herët ka deklaruar se praktikon të ashtuquajturat “pastrimi i qumështit të dhisë”, që do të thotë pastrimi i trupit me ndihmën e qumështit të dhisë.

“Për tetë ditë, kam pirë 3/4 filxhanë qumësht dhie çdo dy orë. Më ndihmoi të shpëtoja nga parazitët dhe u ndjeva mirë”, ka treguar Gwyneth. /Telegrafi/