Shtatë shtete amerikane pritet të vendosin fituesin – çfarë thonë sondazhet e fundit për Trumpin dhe Harrisin

Kamala Harris, kandidatja demokrate si dhe ai republikan, Donald Trump për president janë në garë të ngushtë, thonë sondazhet e fundit.

Tani për tani, gara duket se është shumë e ngushtë në shtatë shtetet e fushëbetejës, gjë që e bën të vështirë të dihet se kush është në të vërtetë duke udhëhequr.

Ka më pak sondazhe shtetërore sesa sondazhe kombëtare, kështu që ne kemi më pak të dhëna për të punuar dhe çdo sondazh ka një diferencë gabimi që do të thotë se numrat mund të jenë më të lartë ose më të ulët, shkruan bbc.

Siç qëndron, sondazhet e fundit sugjerojnë se ka më pak se një për qind që i ndan dy kandidatët në disa shtete. Kjo përfshin Pensilvaninë, e cila është thelbësore pasi ka numrin më të madh të votave elektorale të ofruar dhe për këtë arsye e bën më të lehtë për fituesin të arrijë 270 votat e nevojshme.

Pensilvania, Michigani dhe Wisconsin kishin qenë të gjitha bastione të demokratëve përpara se Trump t’i kthente gjatë zgjedhjeve presidenciale të vitit 2016.

Joe Biden i riktheu tek demokratët në vitin 2020 dhe nëse Harris mund të bëjë të njëjtën gjë këtë vit, atëherë ajo do të jetë në rrugën e duhur për të fituar zgjedhjet.

Ndryshe, sipas sondazhit në nivel kombëtar të Reuters, zëvendëspresidentja amerikane, Kamala Harris udhëheq me 47 për qind kundrejt ish-presidentit, Donald Trump, i cili ka 42 për qind. /Telegrafi/