Me shpirtin plot dhe në disponim të mirë, Dua Lipa merr sërish vëmendjen e kalimtarëve në Londër me stilin e saj

Ajo tregoi shijen e saj të modës ndërsa u pa jashtë në Londër kohët e fundit kur u kthye në Mbretërinë e Bashkuar.

Dhe e premtja nuk u bë përjashtim për Dua Lipën pasi ajo vërtetoi se është në çdo centimetër me stil, ndërsa po shkonte në studio, shkruan DailyMail.

Interpretuesja e hitit “Love Again”, 26 vjeçe, dukej e pabesueshme e veshur me një korse të hirtë të markës “Vivienne Westwood” dhe xhinse të gjera.

Dua, e cila rrallë gabon kur është fjala për garderobën e saj, paraqiti një elegancë të rastësishme kur u largua nga hoteli i saj.

Lexo po ashtu Dua duket e mahnitshme me fustan të zi rrugëve të Londrës

Dekolteja e saj e hapur dhe korseja e shkurtër, bënin që të vihej mjaft mirë barku i saj i tonifikuar.

Ajo e kombinoi pjesën e sipërme të saj me një palë xhinse të zeza të gjera që theksonin ijët e saj dhe ndihmuan të viheshin në pah format trupore.

Duke zgjedhur komoditetin, Dua në vend të takave kishte zgjedhur një palë atlete të zeza sportive dhe tepër të rehatshme.

Bukuroshja nga Kosova i la flokët e saj në ngjyrë korbi në një stil të lëmuar dhe të drejtë dhe kishte një grim minimal në fytyrën e saj.

E emocionuar qartë për ditën që priste ta kalonte në studio, Dua po shkëlqente dhe dukej në humor tepër të mirë gjersa u drejtua te vetura në pritje.

Lipa përndryshe ende vazhdon të shijojë suksesin e albumit të saj më të fundit, “Future Nostalgia”, i cili është publikuar vitin e kaluar dhe përfshin brenda tij hitet: “Don’t Start Now”, “Break My Heart”, “Physical” e të tjera.

Dua ka publikuar gjashtë këngë me klipe nga total albumi dhe “Love Again” është aktualisht kënga e fundit nga “Future Nostalgia” që u vizualizua me klip.

Përveçse ka shijuar suksese, Dua ka kaluar edhe shumë kohë joproduktive gjithashtu me miqtë dhe familjen e saj gjatë kësaj vere me udhëtime të ndryshme nëpër Evropë.

Ajo kohët e fundit shijoi një qëndrim në fshat me miqtë e saj dhe të dashurin Anwar Hadid, 22 vjeç, për të festuar ditëlindjen e saj të 26-të më 22 gusht të këtij viti.

Fituesja e çmimit “Grammy” iu tha fansave se ajo po “ndjehej e dashur nga të gjithë”, pasi falënderoi ata që i dërguan urime në 26-vjetorin e lindjes. /Telegrafi/