Nga një shpërthim i fuqishëm në Jerusalem që ka ndodhur sot, janë lënduar të paktën 15 persona e një tjetër humbi jetën.

Reklama

Në anën tjetër palestinezët kanë raportuar se Nablus në Bregun Perëndimor, një palestinez 16-vjeç është qëlluar për vdekje, transmeton Telegrafi.

Shpërthimi ndodhi në afërsi të stacionit të autobusëve në hyrje të Jerusalemit. Radio ushtarake e Izraelit, ka njoftuar se ky shpërthim u shkaktuar nga një mjet shpërthyes i vendosur në vendin e caktuar.

E zyrtarët palestinezë kanë njoftuar se forcat izraelite mbrëmë, kanë qëlluar për vdekje një palestinez 16-vjeç gjatë përleshjes në qytetin Nablus, që është nën kontrollin e izraelitëve.

Reklama

Edhe ushtria izraelite ka konfirmuar se ka vepruar në Nablus, duke theksuar se në drejtim të tyre ka pasur të shtëna armësh, ku në vetëmbrojtje kanë filluar edhe ata të shtien. Megjithatë nuk kanë konfirmuar vdekjen e të riut.

Reklama

Një video amatore që po qarkullon në rrjetet sociale, pretendohet se shfaq momentin kur ndodhi shpërthimi që ia mori jetën një personi dhe lëndoi të paktën 15 tjerë. /Telegrafi/