Shpend Ahmeti: Stadiumi “Fadil Vokrri” mund të ketë deri në 20 mijë ulëse

Kryetari i Komunës së Prishtinës, Shpend Ahmeti ka folur rreth mundësisë së rritjes së kapacitetit të stadiumit të kryeqytetit “Fadil Vokrri”.

Tash e disa kohë është raportuar se “Fadil Vokrri” pritet të rinovohet dhe t’i shtohen ulëset në tribunën lindore, jugore dhe veriore.

Interesimi i madh i qytetarëve të Kosovës për të parë nga afër ndeshjet e Kosovës në Prishtinë, ka shtyrë drejtuesit e Federatës së Futbollit dhe të Komunës që sa më shpejt të jetë e mundur ta realizojnë një gjë të tillë.

Lexo po ashtu Stadiumi ‘Fadil Vokrri', kështjella e pamposhtur e 'Dardanëve'

Një gjë të tillë e ka konfirmuar edhe i pari i kryeqytetit, Shpend Ahmeti.

Postimi pa ndërhyrje i Shpend Ahmetit:

Komuna e Prishtinës ka filluar diskutimet me Federatën e Futbollit të Kosovës për zgjerimin e kapaciteteve në stadiumin Fadil Vokrri, në tribunat lindjes, veriut dhe jugut. Gjatë javëve në vijim do të bëjmë analizat e nevojshme për të vlerësuar mundësitë që të kemi deri në 20 mijë ulëse në stadiumin e qytetit.

Po ashtu, punimet kanë vazhduar në stadiumin e ri në Hajvali të cilat në bashkëpunim me Federaten dhe financim nga UEFA do të jetë stadium i shkëlqyeshëm për disa nga ndeshjet e kategorive të ndryshme të përfaqëseuses së Kosovës në futboll.

Është e qartë që futbolli Kosovar ka të ardhme të ndritur. Investimet janë të nevojshme edhe nga niveli lokal edhe qendror për të rritur rezultatet dhe për ti mundësuar sa më shumë njerëzve që të ndjekin lojet e shtetit tonë.

/Telegrafi/